Սրտով տրամադրվիր

Աստվածաշունչն ուսումնասիրելիս ուզում ենք այնպես անել, որ Եհովայի մտքերը ազդեն մեր սրտի՝ ներքին անձնավորության վրա։ Այս առնչությամբ շատ բան կարող ես սովորել Եզրասից, ով «սրտով տրամադրվել էր քննելու Եհովայի Օրենքը» (Եզր. 7։10)։ Իսկ ինչպե՞ս կարող ես սրտով տրամադրվել։

Աղոթիր։ Նախքան ուսումնասիրությունը խնդրիր Եհովային, որ օգնի քեզ հասկանալ և կիրառել սովորածդ (Սաղ. 119։18, 34)։

Խոնարհ եղիր։ Աստված ճշմարտությունը թաքցնում է նրանցից, ովքեր հպարտ են և առաջնորդվում են իրենց հասկացողությամբ (Ղուկ. 10։21)։ Ուստի փնտրտուքներ մի՛ արա ուրիշներին տպավորելու համար։ Եվ երբ տեսնում ես, որ քո մտածելակերպը չի համապատասխանում Աստծու մտածելակերպին, խոնարհաբար փոփոխություններ արա։

Լսիր Թագավորության երգերից որևէ մեկը։ Երաժշտությունը մեր սրտերի հետ խոսելու զորություն ունի և կարող է օգնել, որ սրտով տրամադրվենք Աստծուն պաշտելու համար։