Գործը Կատարուելու Համար Բոլորիս Կարիքը Կայ

¹ Յիսուս Քրիստոսի իւրաքանչիւր աշակերտ պէտք է հասկնայ թէ Թագաւորութեան քարոզչութեան մէջ բաժին բերելու եւ անոր սատար կանգնելու իր անհատական ջանքերը շատ կարեւոր են։ Յիսուս գիտակցեցաւ թէ իր աշակերտները իրարմէ տարբեր քանակութեամբ Թագաւորութեան պտուղներ պիտի արտադրէին։ (Մատթ. 13։23) Թէեւ քարոզչութեան մեծ մասը ծանր աշխատող ռահվիրաներու կողմէ յառաջ կը տարուի, սակայն բոլոր անոնք որոնք բոլոր սրտով կը շարունակեն Աստուած փառաբանել, կարելի եղածին չափ շատ պտուղ բերելով, գովասանքի արժանի են։—Յովհ. 15։8

² Միասնակամ Ջանքերով Շատ Բան կ’Իրագործուի. Յիսուս նախագուշակեց որ իր աշակերտներուն միասնակամ ջանքերը, իր գործերէն աւելի մեծ գործեր պիտի իրագործէին։ (Յովհ. 14։12) Մեր անձնական պարագաները մեր կարողութիւնները սահմանափակեն, թէ թոյլատրեն որ Թագաւորութեան քարոզչութեան շատ ժամանակ տրամադրենք, այս գործը կատարելու համար բոլորիս կարիքը կայ։ Պարագան նման է Պօղոսի ըսածին. «Բոլոր մարմինը մէկտեղ կազմուած եւ բոլոր յօդուածները իրարու հաղորդուելով կցուած՝ ամէն մէկ մասին չափով ներգործելով՝ սիրով մարմնին աճում կու տայ իրեն շինութեանը համար»։—Եփ. 4։16

³ Ոմանք կրնան խորհիլ թէ իրենց ըրածը մեծ արժէք մը չի ներկայացներ։ Սակայն, Եհովայի աչքին կարեւորը այն է որ մեր ծառայութիւնը բոլոր հոգիով ըլլայ։ Իրեն համար ի՛նչ որ ընենք արժէքաւոր եւ գնահատելի է։—Բաղդատել՝ Ղուկաս 21։1-4։

⁴ Շարունակեցէք Գործին Թիկունք Կանգնիլ. Բոլորս ալ համաշխարհային գործին նիւթապէս թիկունք կանգնելու առանձնաշնորհումը ունինք։ Ոմանք կրնան նաեւ ֆիզիքական աշխատանքով Թագաւորութեան գործին սատար կանգնիլ։ Իւրաքանչիւր անհատ կրնայ ջանալ ժողովներուն լաւ պատրաստուած պատասխաններ տալ եւ Աստուածպետական Ծառայութեան Դպրոցին մէջ ելոյթ ունենալ։ Ուրիշները քաջալերելու պատեհութիւնները օգտագործելով, կրնանք ժողովքին հոգեւորականութեան մեծապէս նպաստել, եւ ասիկա իր կարգին, ժողովքին յանձնուած քարոզչութեան գործը կատարելու կարողութիւնը կ’աւելցնէ։

⁵ Արդարեւ, բոլորիս կարիքը կայ որպէսզի այս գործը կատարուի։ Ոչ մէկ անհատ պէտք է խորհի թէ իրեն պէտքը չկայ։ Եհովայի ծառայելու մէջ մեր միակամ ջանքերը ի՛նչ որ ալ ըլլան, պզտիկ կամ մեծ, անոնք մեզ կը զանազանեն որպէս միակ ճշմարիտ Աստուծոյ երկրպագուները։ (Մաղ. 3։18) Իւրաքանչիւրս կրնանք իմաստալից մասնակցութիւն մը բերել Եհովան պատուելու մէջ, ուրիշներուն ալ օգնելով որ զինք ճանչնան ու իրեն ծառայեն։