Ծառայութեան Ժողովի Յայտագիր

Յուլիս 9–ով Սկսող Շաբաթ

Երգեցողութիւն թիւ 14

8 վյրկ. Տեղական ծանուցումներ եւ Մեր Թագաւորութեան Ծառայութիւնը թերթիկէն ընտրուած Ծանուցումներ։

17 վյրկ. Ապրիլ Ամսուան Ծառայութեան Տեղեկագիրը։ Ծառայութեան տեսուչին կողմէ դասախօսութիւն եւ հարցազրոյցներ։ Աչքառու ըրէք ժողովքին Ապրիլ ամսուան դաշտի ծառայութեան տեղեկագրութիւնը։ Հարցազրոյց ունեցէք զանազան հրատարակիչներու հետ, որոնք այդ ամիս ծառայութեան մէջ յաւելեալ ջանք թափեցին։ Անոնք թող պատմեն ծառայութեան մէջ լման մասնակցութիւն բերելով իրենց ձեռք ձգած ուրախութեան մասին եւ թէ ի՛նչ կ’ընեն որպէսզի ծառայութեան մէջ զբաղած մնան։—Տես՝ Մարտ 2001–ի Մեր Թագաւորութեան Ծառայութիւնը թերթիկին յաւելուածականը, պարբերութիւններ 28-30։

20 վյրկ. «Կրնա՞ք Ծառայել Հո՛ն Ուր Աւելի Մեծ Կարիք Կայ»։ Պարփակեցէք քաջալերական փորձառութիւններ, որոնք ձեր ժողովքի հրատարակիչներուն հետ պատահած են, մեկուսացած կամ հազուադէպօրէն աշխատցուած թաղամասերու մէջ։—Տես՝ Կազմակերպուած գիրքը, էջ 112-113։

Երգեցողութիւն թիւ 204 եւ փակման աղօթք։

Յուլիս 16–ով Սկսող Շաբաթ

Երգեցողութիւն թիւ 10

10 վյրկ. Տեղական ծանուցումներ։ Հաշիւի տեղեկագիր։

15 վյրկ. Ո՛վ Պատանիներ, Ձեր Ասպարէզին Համար Ի՛նչ Գին Պիտի Վճարէք։ Հայր մը եւ իր պատանի որդին կամ դուստրը երէցի մը կը մօտենան, որ աշխարհային գործի մէջ նկատելի փորձառութիւն ունի։ Երկու շաբաթ առաջ, Ծառայութեան Ժողովին մէջ ներկայացուած, ասպարէզ մը ընտրելու նիւթին մասին խորհելէ ետք, պատանին կանոնաւոր ռահվիրայութեան ծառայութեան ձեռնարկելու մասին լրջօրէն կը մտածէ, սակայն իր նիւթական կարիքները հոգալու նկատմամբ չի գիտեր ինչ ընէ։ Երէցը հաւասարակշռուած տեսակէտ մը ունենալու կարիքը կը շեշտէ։ (Դիտարան 1 Սեպտեմբեր 1999, էջ 21, պարբերութիւն 13) Խոհեմութիւն է այնպիսի մարզում մը ստանալ, որ անձնական կարիքներուն հոգ տանելու կարող դարձնէ։ Շատեր յաջողութիւն գտած են պարզապէս հիմնական հմտութիւններ սորվելով, որոնք ժամանակի ու դրամի կողմանէ նուազագոյն ներդրումը կը պահանջեն։ (Դիտարան 1 Փետրուար 1996, էջ 14, Անգլերէնով. Պատանիները կը Հարցնեն, էջ 178) Անոնք միասնաբար նկատի կ’առնեն Զարթի՛ր 8 Մարտ 1996, էջ 9-11–ը, նաեւ՝ յարմար աշխարհիկ գործ մը ընտրելու կամ ստեղծելու մասին կարգ մը գործնական թելադրութիւններ։

20 վյրկ. Եհովայի Վկաներ—Որո՞նք Են. Ի՞նչ Են Իրենց Հաւատալիքները։ Ներկաներուն հետ խօսակցութիւն եւ ցուցադրութիւններ։ Այս գրքոյկը քննեցէք, եւ նկատի առէք թէ ի՛նչպէս կարելի է զայն գործածել, մեր եւ մեր գործին մասին ուրիշներուն տեղեկութիւն տալու համար։ Անիկա մեր ինքնութիւնը կը բնորոշէ (էջ 3-5), աչքառու կը դարձնէ մեր արդի պատմութիւնն ու կարգ մը գործունէութիւնները (էջ 6-11), մեզ միւս կրօնքներէն զանազանող հաւատալիքներուն ցանկը կու տայ (էջ 12-14), կը բացատրէ մեր քարոզած բարի լուրը եւ զայն քարոզելու մեր կերպը (էջ 15-21), ցոյց կու տայ թէ մեր գործը ի՛նչ կերպով օգտակար է համայնքին (էջ 22-24), մեր կազմակերպութեան միջազգային տարողութիւնը ցոյց կու տայ (էջ 25-26), եւ մեր մասին սովորաբար հարցուած հարցումներուն կը պատասխանէ (էջ 27-31)։ Ցուցադրեցէք հրատարակիչ մը, որ գրքոյկը գործածելով կը պատասխանէ հետաքրքիր տանտիրոջ մը կողմէ հարցուած էջ 29–ի վրայ գտնուող հարցումներէն մէկուն, որմէ ետք հրատարակիչը գրքոյկին ետեւի կողքին վրայ գտնուող հրաւէրը կու տայ։ Բոլորը քաջալերեցէք որ գրքոյկը գործածեն Վկայ չեղող ազգականներուն մեր մասին տեղեկութիւն տալու, վերայցելութիւններուն ընթացքին հետաքրքրութիւն մշակելու եւ Աստուածաշունչի աշակերտները կազմակերպութեան ուղղելու համար։

Երգեցողութիւն թիւ 113 եւ փակման աղօթք։

Յուլիս 23–ով Սկսող Շաբաթ

Երգեցողութիւն թիւ 28

10 վյրկ. Տեղական ծանուցումներ։

15 վյրկ. Տեղական կարիքներ։

20 վյրկ. «Ցարդ Ապրած Մեծագոյն Մարդը Գրքին Ուսումնասիրութիւնը»։ Այս գրքին ուսումնասիրութեան հանդէպ խանդավառութիւն կերտեցէք։ Երբ 6–րդ պարբերութիւնը կը ծածկէք, հակիրճ ցուցադրութիւն մը ներկայացուցէք, ցոյց տալու համար թէ յաջորդ այցելութեան այս գիրքը ի՛նչպէս կարելի է ներկայացնել։ Այս գրականութեան քաջածանօթ ըլլալու կարեւորութիւնը շեշտեցէք։ Բոլորը քաջալերեցէք որ Ժողովքի Գրքի Ուսումնասիրութեան կանոնաւորաբար ներկայ գտնուին։

Երգեցողութիւն թիւ 59 եւ փակման աղօթք։

Յուլիս 30–ով Սկսող Շաբաթ

Երգեցողութիւն թիւ 172

10 վյրկ. Տեղական ծանուցումներ։ Հրատարակիչներուն յիշեցուցէք որ Յուլիս ամսուան դաշտի ծառայութեան տեղեկագիրները տան։

20 վյրկ. Ո՛վ Պատանիներ, Ձեր Ուսումը Ծրագրելու Մէջ Խոհեմութիւն Գործածեցէք։ Երէց մը կարգ մը ծնողներու եւ իրենց պատանի զաւակներուն հետ կը խօսի յաւելեալ ուսում ստանալու մասին։ Երէցը խօսակցութիւնը կ’առաջնորդէ Դիտարան 1 Սեպտեմբեր 1999, էջ 25-26, պարբերութիւն 11-13–ը նկատի առնելով, ընդգծելով այն պատճառները թէ լիաժամ ծառայութիւնը նախապատուութիւններու ցանկին մէջ ինչո՛ւ առաջնակարգ տեղը պէտք է գրաւէ։ (Դիտարան 1 Ապրիլ 1997, էջ 15-16, պարբերութիւն 13-15) Ապա խումբը նկատի կ’առնէ Զարթի՛ր 8 Մարտ 1998, էջ 20-21–ը, շեշտելով՝ յաւելեալ ուսման օգուտներն ու անպատեհութիւնները կշռադատելու մէջ խոհեմութիւն գործածելու կարիքը, նաեւ՝ զայն միայն անձնական ծախսերը հոգալու համար սահմանափակելը, ծառայութեան նախանձախնդրաբար հետամուտ ըլլալով։ Բոլորն ալ կը համաձայնին թէ պէտք է Թագաւորութեան շահերը առաջին տեղը դնելու Յիսուսի յորդորին անսան։—Մատթ. 6։33

15 վյրկ. Բարի Լուր Բոլոր Ազգերուն Համար։ Ներկաներուն հետ զրոյց եւ ցուցադրութիւն։ Այս երկրին մէջ բնակչութեան մեծ տոկոսը կը բաղկանայ օտար լեզու խօսող անհատներէ։ Ցոյց տուէք թէ ի՛նչպէս կրնանք այսպիսիներուն վկայել, գործածելով Բարի Լուր Բոլոր Ազգերուն Համար գրքոյկը։ Ամփոփեցէք էջ 2–ի վրայ գտնուող՝ «Այս Գրքոյկին Գործածութիւնը» հատուածը, եւ կարդացէք ձեր ժողովքին լեզուով հրատարակուած ներկայացումը։ Ցոյց տուէք թէ ի՛նչ պէտք է ընել երբ օտար լեզու խօսող անհատ մը դուռը բանայ։ Պատմեցէք որեւէ հաճելի փորձառութիւն որ ցոյց կու տայ թէ ձեր թաղամասին մէջ ասիկա ի՛նչպէս կատարուած է։—Տես՝ Փետրուար 1998 Մեր Թագաւորութեան Ծառայութիւնը թերթիկին յաւելուածականը, պարբերութիւն 9-10։

Երգեցողութիւն թիւ 57 եւ փակման աղօթք։

Օգոստոս 6–ով Սկսող Շաբաթ

Երգեցողութիւն թիւ 21

15 վյրկ. Տեղական ծանուցումներ։ Ներկաները հրաւիրեցէք որ անպաշտօն վկայութեան փորձառութիւններ պատմեն, որոնք տեղի ունեցած են նահանգային համաժողովի, արձակուրդի կամ Վկայ չեղող ազգականներու այցելութիւն տալու ընթացքին։

10 վյրկ. «Շրջանային Համաժողովի Նոր Յայտագիր»։ Դասախօսութիւն։ Յաջորդ շրջանային համաժողովի թուականը ծանուցանեցէք։ Բոլորն ալ Աստուածաշունչի աշակերտները հրաւիրելու համար մասնայատուկ ջանք պէտք է թափեն։ Չմկրտուած հրատարակիչները քաջալերեցէք որ լրջօրէն խորհին յաջորդ համաժողովին Եհովայի հանդէպ իրենց նուիրումը խորհրդանշելու մասին։ Բոլորը յորդորեցէք որ երկու օրերն ալ բոլոր նիստերուն ներկայ գտնուին։

20 վյրկ. «Ետ Մի՛ Կենաք»։ Եթէ ժամանակը թոյլատրէ, Դիտարան 15 Դեկտեմբեր 1999, էջ 25–էն առնուած փորձառութիւններ պատմեցէք։

Երգեցողութիւն թիւ 63 եւ փակման աղօթք։

[Ստորանիշ]

Բացման խօսքը մէկ վայրկեանէն նուազ թող ըլլայ, ապա հարց պատասխանով շարունակեցէք։