Աստուած / Աստուծոյ անունը Յիսո՞ւս է

Աստուածաշունչին պատասխանը

Յիսուս ինքն իր մասին ըսաւ որ «Աստուծոյ Որդի» է (Յովհաննէս 10։36. 11։4)։ Բայց ան բնա՛ւ չըսաւ որ ինք Ամենակալ Աստուածն է։

Ասկէ զատ, Յիսուս Աստուծոյ աղօթեց (Մատթէոս 26։39)։ Եւ երբ իր հետեւորդներուն կը սորվեցնէր որ ինչպէ՛ս աղօթեն, ըսաւ. «Ով Հայր մեր որ երկինքն ես, քու անունդ սուրբ ըլլայ» (Մատթէոս 6։9)։

‘Հօրը’ անունը Յիսուս չէ՛, հապա «Եհովա» է (Սաղմոս 68։4, ստորանիշ)։ Յիսուս Աստուծոյ անունը յայտնեց, երբ Սուրբ Գրութիւններէն համար մը մէջբերեց՝ ըսելով. «Լսէ՛, ո՛վ Իսրայէլ, մեր Աստուածը Եհովան մէկ Եհովա է» (Մարկոս 12։29. Բ. Օրինաց 6։4, Նոր աշխարհի թարգմանութիւն)։