ԱՍՏՈՒԱԾԱՇՈՒՆՉԻՆ ՊԱՏԱՍԽԱՆՆԵՐԸ

Որո՞նք երկինք պիտի երթան եւ ինչո՞ւ։

Միլիոնաւորներ կը յուսան, որ մահանալէ ետք՝ երկնքի մէջ պիտի ապրին։ Յիսուս ըսաւ որ իր հաւատարիմ առաքեալները հոն պիտի ապրէին։ Ան խոստացաւ որ իր երկնաւոր Հօր հետ անոնց տեղ պիտի պատրաստէր (կարդա՛ Յովհաննէս 14։2)։

Մարդիկ պիտի յարուցանուին երկնքի մէջ ապրելու համար։ Բայց ինչո՞ւ։ Անոնք ի՞նչ պիտի ընեն երկնքի մէջ։ Յիսուս իր առաքեալներուն ըսաւ թէ թագաւորներ պիտի ըլլային եւ երկրի վրայ պիտի իշխէին (կարդա՛ Ղուկաս 22։28-30. Յայտնութիւն 5։10)։

Բոլո՞ր բարի մարդիկը երկինք կ’երթան։

Բազմաթիւ երկիրներու մէջ, հեղինակաւոր անհատները թիւով քիչ կ’ըլլան։ Քանի որ Յիսուս մարդիկը երկնային կեանքի կը յարուցանէ, որպէսզի կարենան իշխել երկրի վրայ, կրնանք ակնկալել թէ ընտրուածները թիւով քիչ են (Ղուկաս 12։32)։ Աստուածաշունչը կ’ըսէ թէ ճիշդ քանի՛ հոգի Յիսուսին հետ պիտի իշխէ (կարդա՛ Յայտնութիւն 14։1)։

Միայն երկինք գացողները չեն որ պիտի վարձատրուին։ Յիսուսի Թագաւորութեան հաւատարիմ հպատակները, երկրի վրայ վերահաստատուած դրախտին մէջ անվերջ կեանք պիտի վայելեն (Յովհաննէս 3։16)։ Ոմանք այս չար աշխարհին կործանումէն վերապրելով դրախտ պիտի մտնեն, իսկ ուրիշներ՝ յարուցանուելով (կարդա՛ Սաղմոս 37։29. Յովհաննէս 5։28, 29)։