Կ’ուզե՞ս հաւատալիքներդ բաղդատել Սուրբ Գիրքին հետ

ԴՈՒՆ քեզ քրիստոնեայ կը սեպե՞ս։ Եթէ այո՛, քեզմէ զատ երկրի վրայ աւելի քան երկու միլիառ անհատներ կան, որոնք կ’ըսեն թէ Քրիստոսին կը հետեւին։ Այսօր, հազարաւոր յարանուանութիւններ կան որ քրիստոնէական կը կոչուին, բայց մէկը միւսէն կը տարբերի իր հաւատալիքներով եւ կարծիքներով։ Ասոր համար, թերեւս քու հաւատալիքներդ շատ տարբեր են ուրիշ քրիստոնեաներու հաւատալիքներէն։ Արդեօք տարբերութիւն կ’ընէ՞ թէ ինչի կը հաւատաս։ Այո՛ կ’ընէ, եթէ կ’ուզես Սուրբ Գիրքին սորվեցուցածին պէս քրիստոնեայ մը ըլլալ։

Յիսուս Քրիստոսին առաջին հետեւորդները ճանչցուեցան որպէս «Քրիստոնեայ» (Գործք 11։26)։ Անոնք ուրիշ անուններու պէտք չունէին, քանի որ միայն մէ՛կ քրիստոնէական հաւատք կար։ Անոնք միութեամբ հետեւեցան Յիսուս Քրիստոսի սորվեցուցածներուն եւ ցուցմունքներուն։ Լաւ, ի՞նչ կրնաս ըսել քու եկեղեցիիդ մասին։ Համոզուա՞ծ ես որ եկեղեցիդ կը սորվեցնէ Քրիստոսին սորվեցուցածները եւ ի՛նչ որ Քրիստոսին առաջին հետեւորդները կը հաւատային։ Ինչպէ՞ս կրնաս ասկէ վստահ ըլլալ։ Միայն մէ՛կ կերպ կայ. հաւատալիքներդ բաղդատել Սուրբ Գիրքին հետ։

Ասիկա նկատի առ. Յիսուս Քրիստոս Սուրբ Գրութիւնները շատ կը յարգէր որպէս Աստուծոյ Խօսքը։ Ան չընդունեց որ մարդիկ Սուրբ Գիրքին սորվեցուցածներուն զօրութիւնը տկարացնեն՝ մարդկային աւանդութիւնները աւելի կարեւոր սեպելով (Մարկոս 7։9-13)։ Ուստի կրնանք վստահութեամբ ըսել, որ Յիսուսի ճշմարիտ հետեւորդները իրենց հաւատալիքները կը հիմնեն Սուրբ Գիրքին վրայ։ Ուրեմն լաւ կ’ըլլայ որ ամէն քրիստոնեայ ինքն իրեն հարցնէ. ‘Եկեղեցիիս սորվեցուցածները համապատասխա՞ն են Սուրբ Գիրքին հետ’։ Այս հարցումին պատասխանը գտնելու համար, եկեղեցիիդ սորվեցուցածները բաղդատէ Սուրբ Գիրքին ըսածներուն հետ։

Յիսուս ըսաւ որ մեր պաշտամունքը պէտք է հիմնուած ըլլայ ճշմարտութեան վրայ, որ Սուրբ Գիրքին մէջն է (Յովհաննէս 4։24. 17։17)։ Եւ Պօղոս առաքեալ ըսաւ որ մեր փրկութիւնը կախեալ է ‘ճշմարտութիւնը ճանչնալէն’ (Ա. Տիմոթէոս 2։4)։ Ուրեմն, կարեւոր է որ մեր հաւատալիքները հիմնուած ըլլան Սուրբ Գիրքի ճշգրիտ գիտութեան վրայ, քանի որ մեր փրկութիւնը վտանգի մէջ է։

ԻՆՉՊԷ՞Ս ԿՐՆԱՆՔ ՄԵՐ ՀԱՒԱՏԱԼԻՔՆԵՐԸ ԲԱՂԴԱՏԵԼ ՍՈՒՐԲ ԳԻՐՔԻՆ ՀԵՏ

Քեզ կը քաջալերենք որ տրուած վեց հարցումները կարդաս եւ Սուրբ Գիրքին պատասխանները նկատի առնես։ Նշուած համարները բաց, եւ պատասխաններուն վրայ մտածէ։ Ետքը՝ դուն քեզի հարցուր. ‘Իմ եկեղեցիիս սորվեցուցածները կը տարբերի՞ն Սուրբ Գիրքին ըսածներէն’։

Այս պզտիկ քննութիւնը քեզի կ’օգնէ որ կեանքիդ մէջ ամէնէն գործնական բաղդատութիւնը ընես։ Կ’ուզե՞ս եկեղեցիիդ միւս սորվեցուցածներն ալ բաղդատել Սուրբ Գիրքին ըսածներուն հետ։ Եհովայի վկաները ուրախութեամբ քեզի պիտի օգնեն որ անոր յստակ ճշմարտութիւնը քննես։ Կրնաս Վկայէ մը խնդրել որ Աստուածաշունչը ձրիօրէն սերտէ հետդ։ Կամ ալ կրնաս մեր կայքը այցելել՝ jw.org/hy-latn։