Աստուած ի՞նչ կը զգայ, երբ չարչարանքդ տեսնէ

Կարգ մը մարդիկ կ’ըսեն որ Աստուած ո՛չ կը տեսնէ մարդոց չարչարանքը, ոչ ալ ատով հետաքրքրուած է։

ՆԿԱՏԻ ԱՌ ԱՍՏՈՒԱԾԱՇՈ՛ՒՆՉԸ ԻՆՉ Կ’ԸՍԷ

• Աստուած թէ՛ կը տեսնէ եւ թէ հետաքրքրուած է

  «Տէրը երբ տեսաւ, որ մարդոց չարութիւնը երկրի վրայ կը շատնայ. . . իր սրտին մէջ տրտմեցաւ» (Ծննդոց 6։5, 6)։

• Աստուած մարդոց չարչարանքին վերջ պիտի դնէ

  «Քիչ ժամանակէ յետոյ ամբարիշտը պիտի չքանայ, անոր տեղը պիտի փնտռես ու պիտի չգտնես։ Սակայն հեզերը պիտի ժառանգեն երկիրը ու խաղաղութեան առատութիւնովը պիտի ուրախանան» (Սաղմոս 37։10, 11)։

• Աստուած քեզի համար ի՛նչ կ’ուզէ

  «Ձեզի համար ծրագիրս գիտեմ, կ’ըսէ Տէրը, ծրագիր մը բարօրութեան եւ ո՛չ չարիքի, ձեզի ապագայ մը եւ յոյս մը տալու։ Դուք ինծի պիտի կանչէք եւ պիտի երթաք ու ինծի աղօթք պիտի ընէք եւ ձեզի պիտի լսեմ» (Երեմիա 29։11, 12)։

  «Աստուծոյ մօտեցէ՛ք ու անիկա ձեզի պիտի մօտենայ» (Յակոբոս 4։8)։