1998–ի Աստուածպետական Ծառայութեան Դպրոցի Յայտագիրը

Ուսուցուիլ կը նշանակէ «որոշ մէկ գիտութիւն կամ հմտութիւն սորվիլ կամ անոր մէջ մարզուիլ»։ Աստուածպետական Ծառայութեան Դպրոցին միջոցաւ, Աստուծոյ գիտութեան մէջ յարատեւ կը մարզուինք։ Նաեւ, այս դպրոցին մէջ մասնակցութիւն բերելը թոյլ կու տայ որ խօսելու ու սորվեցնելու մեր հմտութիւնները զարգացնենք։ 1998–ի դպրոցի յայտագիրը բազմաթիւ պատեհութիւններ պիտի ներկայացնէ հոգեւոր գետնի վրայ աւելի յառաջդիմելու համար։

Երբ դպրոցի նոր յայտագիրը աչքէ անցընէք, նկատի պիտի առնէք որ 1998–ի յայտագրին մէջ Ընտանեկան Ուրախութիւն գիրքը պարփակուած է, իսկ Թիւ 3 ու Թիւ 4 Դասախօսութիւնները փոխադարձաբար զայն պիտի ծածկեն։ Երբ Թիւ 4 Դասախօսութիւնը հիմնուած է Ընտանեկան Ուրախութիւն գրքին վրայ, եղբայր մը պիտի ներկայացնէ զայն որպէս ժողովքին ուղղուած դասախօսութիւն։ Իսկ, առ ի վերյիշեցում, դպրոցի յայտագրին մէջ ոեւէ անհատ որոշուած ժամանակէն աւելի պէտք չէ առնէ։

Նոր Երեսակ մը. Մեր անձնական օգտին համար, «Աստուածաշունչի Ընթերցանութեան Յաւելուած Յայտագիր» մը դրուած է փակագծերու մէջ իւրաքանչիւր շաբթուան երգեցողութեան թիւին քով։ Թէեւ դպրոցի շաբաթական յայտագրին ոչ մէկ մասը հիմնուած է անոր վրայ, սակայն ձեր նպատակակէտը դարձուցէք անոր հետեւիլ։ Ասիկա պիտի օգնէ որ Աստուածաշունչը ամէն օր կարդալու սովորութիւնը որդեգրէք, եթէ մինչեւ այսօր տակաւին ասիկա չէք ըրած։

Դասախօսութիւններու, խրատի եւ գրաւոր վերաքաղի համար, հաճեցէք ուշի ուշով կարդալ «1998–ի Աստուածպետական Ծառայութեան Դպրոցի Յայտագիր»ը, ինչպէս նաեւ՝ Հոկտեմբեր 1996 Մեր Թագաւորութեան Ծառայութիւնը թերթիկին 3–րդ էջը։

Եթէ Աստուածպետական Ծառայութեան Դպրոցին մէջ տակաւին չէք արձանագրուած, կը հրաւիրենք ձեզ որ հիմա արձանագրուիք։ Այս յատուկ դպրոցը կը շարունակէ կարեւոր դեր մը խաղալ Եհովայի խոնարհ ու նուիրուած ծառաները մարզելու մէջ, որպէսզի աւելի որակելի ծառաներ ըլլան իրեն։—Ա. Տիմ. 4։13-16