Յիշատակատօնին Վերաբերեալ Վերյիշեցումներ

 Այս տարի Յիշատակատօնի տօնակատարութիւնը տեղի պիտի ունենայ Հինգշաբթի Ապրիլ 1–ին։ Երէցները հետեւեալ կէտերուն ուշադրութիւն պէտք է ընծայեն.

◼ Տօնակատարութեան ժամը որոշելու ատեն, վստահ եղէք որ խորհրդանիշերը արեւնամուտէն ետք պիտի հրամցուին։

◼ Բոլորն ալ, դասախօսը ներառեալ, տօնակատարութեան ճիշդ ժամէն ու վայրէն տեղեակ պէտք է ըլլան։

◼ Առիթին յարմար հաց ու գինի պէտք է ձեռք ձգուին ու պատրաստ ըլլան։—Տես՝ Դիտարան 15 Փետրուար 1985 (Անգլերէն), էջ 19։

◼ Յարմար սեղան մը, սփռոց մը, ամաններ ու գաւաթներ նախապէս սրահ պէտք է բերուին ու իրենց տեղերը դրուին։

◼ Թագաւորութեան Սրահը կամ ժողվուելու ուրիշ որեւէ վայր կանխաւ ամբողջովին պէտք է մաքրուի։

◼ Հիւրընկալները եւ հրամցնողները պէտք է առաջուընէ ընտրուին ու անոնց հրահանգներ տրուին իրենց պարտականութիւններուն եւ հետեւելիք յարմար գործելակերպին նկատմամբ։

◼ Կարգադրութիւններ պէտք է ըլլան խորհրդանիշերը հրամցնելու ոեւէ օծեալի որ անկողինի դատապարտուած է ու չի կրնար ներկայ գտնուիլ։

◼ Եթէ մէկէ աւելի ժողովքներ պիտի գործածեն միեւնոյն Թագաւորութեան Սրահը, ժողովքներուն միջեւ լաւ համագործակցութիւն պէտք է ըլլայ, որպէսզի նրբանցքներու կամ մուտքերու ու կառատուներու մէջ, ինչպէս նաեւ մայթերու վրայ անհարկի խճողումէ խուսափին։