Դանիէլի Մարգարէութեան Ուսումնասիրութիւնը
1 Ապրիլ 17–ով սկսող շաբաթը, Ժողովքի Գրքի Ուսումնասիրութեան մէջ Ուշադրութիւն Ընծայեցէ՛ք Դանիէլի Մարգարէութեան գիրքը պիտի ուսումնասիրենք։ Շատեր արդէն կարդացած են այս գրաւիչ գիրքը, սակայն հիմա պատեհութիւնը ունինք վայելելու այն օգուտները, որոնք խմբային ուսումնասիրութենէն յառաջ կու գան։ Բոլոր հրատարակիչներուն, հետաքրքրուած անհատներուն եւ երախաներուն հրաւէր եւ քաջալերութիւն կը տրուի, որ ամէն շաբաթ ներկայ ըլլան Աստուածաշունչի Դանիէլ գրքին այս խորունկ ուսումնասիրութեան։—Բ. Օր. 31։12, 13
2 Ուսումնասիրութեան Յայտագիր եւ Ցուցմունքներ. Դանիէլի Մարգարէութեան գրքին ուսումնասիրութեան ամբողջ յայտագիրը եկած է Մեր Թագաւորութեան Ծառայութիւնը թերթիկին այս թիւին մէջ։ Անպայման անկէ օրինակ մը պահեցէք ձեր ուսումնասիրելիք գրքին մէջ։ Յայտագիրը ցոյց կու տայ գրքին ա՛յն գլուխը եւ պարբերութիւնները, ինչպէս նաեւ Դանիէլի ա՛յն համարները, որոնք պիտի ուսումնասիրուին իւրաքանչիւր շաբթուան նիստին։ Ստորանիշները կը բացատրեն թէ գրքին կարգ մը նիւթերը ի՛նչպէս եւ ե՛րբ պիտի ուսումնասիրուին։ Ամէն շաբթուան ուսումնասիրութեան աւարտին, կը քաջալերենք որ վարիչը խումբին հետ վերաքաղ ընէ Դանիէլէն առնուած այն մասնայատուկ համարները, որոնք այդ շաբթուան յայտագրին մէջ նշուած են։ Ժամանակին ներած չափով համարները կրնան կարդացուիլ եւ անոնց մասին մեկնաբանութիւններ տրուիլ։ Համարներէն ոմանք շաբաթէ շաբաթ պիտի կրկնուին, քանի որ անոնց կիրարկումը շարունակ պիտի արծարծուի։
3 Մանրակրկիտ Ուսումնասիրութեան մը Համար Պատրաստուեցէք. Ջանք թափուած է որ ամէն շաբաթ բաւարար ժամանակ տրամադրուի, նշանակուած նիւթին ուսումնասիրութիւնը հապճեպով չըլլալու համար։ Չորս դասեր համեմատաբար կարճ են։ Ուստի, Յունիս 5–ով սկսող շաբթուան ուսումնասիրութեան աւարտին, վարիչը կրնայ Դանիէլ 2։1-40 համարներուն վերաքաղը պարփակել։ Յունիս 26–ով սկսող շաբթուան համար, ան կրնայ վերաքաղ ընել Դանիէլ 3։1-30։ Սեպտեմբեր 4–ով սկսող շաբաթը պէտք է պարփակէ էջ 139–ի վրայ գտնուող պատկերներուն եւ համարներուն ամբողջական քննարկումը։ Հոկտեմբեր 2–ով սկսող շաբթուան ուսումնասիրութեան ընթացքին, 188 եւ 189–ի վրայ եղող նախագիծը պէտք է նկատի առնուի։
4 Ամէն շաբաթ ուսումնասիրութեան համար լաւ պատրաստուեցէք, եւ անոր մասնակցելով ուրախացէք։ Եհովայի տեսանելի կազմակերպութեան հետ ընկերակցելու եւ իր հաւատարիմ օծեալներուն կողմէ հայթայթուած ներատեսութենէն ու հասկացողութենէն օգտուելու ձեր առանձնաշնորհումը գնահատեցէք։ (Դան. 12։3, 4) Ազնուօրէն քաջալերեցէք ուրիշները որ գրքի ուսումնասիրութեան կանոնաւորաբար ներկայ գտնուին։ Բոլորս ալ Դանիէլի երկիւղ ներշնչող գրքին մէջ յայտնուած Աստուծոյ մարգարէական խօսքին ուշադրութիւն ընծայենք։—Եբր. 10։23-25. Բ. Պետ. 1։19