Ամէն Ոք Կրնայ Սորվիլ Նոյ՝ Աստուծոյ Հետ Քալեց Պատկերիզէն

Կարդացէք կամ նկատի առէք Ծննդոց 6։1–էն մինչեւ 9։19–ը։ Ապա դիտեցէք Նոյ–ի պատկերիզը, եւ խորհեցէք թէ ի՛նչպէս պիտի պատասխանէիք հետեւեալ հարցումներուն. (1) Նոյի օրերուն աշխարհի վիճակը ի՞նչպէս էր, եւ ի՞նչ պատճառով։ (2) Ի՞նչ բան Նոյը ա՛յսքան մասնայատուկ անձ մը դարձուց, Աստուած իրեն ի՞նչ պարտականութիւն տուաւ, եւ ինչո՛ւ։ (3) Հաւանաբար տապանը ո՞ւր շինուեցաւ, անոր կառուցումը որքա՞ն ժամանակ առաւ, եւ անոր մեծութիւնը որքա՞ն էր։ (4) Տապանը շինելու կողքին, Նոյ եւ իր ընտանիքը ուրիշ ի՞նչ ըրին։ (5) Ի՞նչ կը խորհիք թէ պատահեցաւ տապանին մէջ, դուռը փակուելէն ետք։ (6) Եթէ դուք Ջրհեղեղէն վերապրէիք, ի՞նչպէս պիտի զգայիք։ (7) Ջրհեղեղը ի՞նչ յարմար վերյիշեցում մըն է մեզի համար, եւ անիկա ի՞նչ կը նշանակէ։ (8) Աստուածաշունչին մէջ արձանագրուած Նոյի պատմութիւնը ձեզի ի՞նչ կը սորվեցնէ՝ ձեր, ձեր ընտանիքին եւ Աստուծոյ կողմէ մեզի նշանակուած գործին մասին։ (9) Նոյի եւ իր ընտանիքին ի՞նչ հարցումներ կ’ուզէք հարցնել, երբ Դրախտին մէջ անոնց հանդիպիք։ (10) Ի՞նչպէս պիտի գործածէք Նոյ–ի պատկերիզը։