Հոկտեմբերի ընթացքին Աստուածաշունչի ուսումնասիրութիւն մը պիտի սկսի՞ս
1. Հոկտեմբերին ի՞նչ հրատարակութիւն պիտի ներկայացնենք։
1 Հոկտեմբերին պիտի ներկայացնենք Դիտարան ու Զարթի՛ր պարբերաթերթերը։ Ցուցաբերուած հետաքրքրութիւնը հետապնդելու համար, մեզի քաջալերութիւն կը տրուի որ ներկայացնենք Կը փափաքի՞ս ճշմարտութիւնը գիտնալ թերթիկը եւ ջանանք Աստուածաշունչի ուսումնասիրութիւն մը սկսիլ։ Ասիկա ինչպէ՞ս կրնանք ընել վերայցելութեան ատեն։
2. Ինչպէ՞ս կրնանք Ճշմարտութիւնը գիտնալ թերթիկը գործածել Աստուածաշունչի ուսումնասիրութիւն մը սկսելու, երբ կը վերայցելենք անհատի մը՝ որ պարբերաթերթերը ընդունեց։
2 Թերթիկը ինչպէ՛ս գործածել։ Կրնանք ըսել. «Քեզի ներկայացուցած պարբերաթերթերս, ամէն տեսակ ենթահողի ու կրօնքի պատկանողները կը քաջալերեն, որ Աստուածաշունչը քննեն։ [Տանտիրոջ տուր Ճշմարտութիւնը գիտնալ թերթիկը եւ ուշադրութեան յանձնէ առաջին էջին հարցումները։] Ասոնք հետաքրքրաշարժ հարցումներ են, որոնց գոհացուցիչ պատասխաններ կու տայ Աստուածաշունչը։ Բնաւ ասոնցմէ մէկը հարցուցա՞ծ ես»։ Տանտիրոջ պատասխանը առնելէ ետք, միասնաբար թերթիկէն նկատի առ իր հարցումին պատասխանը, եւ նշուած համարներէն մէկը կարդա՛։ Ապա բացատրէ թէ ասիկա պարզապէս Աստուածաշունչի սորվեցուցած բաներուն մէկ նմոյշն է, եւ իրեն տուր Աստուածաշունչը կը սորվեցնէ գիրքը։ Յետոյ կրնանք անոր հետ նկատի առնել բովանդակութեան մէջէն իր ընտրած գլուխին բացման պարբերութիւնները։ Կամ, կրնանք բանալ այն գլուխը, ուր յաւելեալ տեղեկութիւններ կը գտնենք այն նիւթին մասին, զոր թերթիկով քննարկեցինք։ Կրնանք հետեւեալ աղբիւրները գործածել.
● Աստուած իրապէս հոգ կը տանի՞ մեզի (էջ 9-11, պարբ. 6-10)
● Պատերազմն ու տառապանքը երբեք վերջ պիտի գտնե՞ն (էջ 12, պարբ. 12-13)
● Ի՞նչ կը պատահի մեզի երբ կը մեռնինք (էջ 59-60, պարբ. 7-8)
● Ննջեցեալներուն համար որեւէ յոյս կա՞յ (էջ 71, պարբ. 13-15)
● Ի՞նչպէս աղօթեմ որ Աստուած լսէ զիս (էջ 166-167, պարբ. 5-8)
● Ի՞նչպէս կրնամ կեանքի մէջ երջանկութիւն գտնել (էջ 9, պարբ. 4-5)
3. Պարագաներուն համաձայն ինչպէ՞ս կրնանք մեր մօտեցումը փոփոխութեան ենթարկել։
3 Անշուշտ, եթէ պարագաները մեզի թոյլ չեն տար, որ առաջին վերայցելութեան սկսինք ու ցուցադրենք ուսումնասիրութիւն մը Աստուածաշունչը կը սորվեցնէ գրքով, միշտ կրնանք վերադառնալու եւ մեր խօսակցութիւնը շարունակելու կարգադրութիւններ ընել։ Իսկ անհատին հետաքրքրութենէն կախեալ ըլլալով, թերեւս ընտրենք թերթիկէն յաւելեալ հարցումներ նկատի առնել քանի մը վերայցելութիւններու ընթացքին, գիրքը ներկայացնելէ առաջ։ Հոկտեմբերի ընթացքին, այս գործնական թերթիկը լաւ օգտագործենք Աստուածաշունչի ուսումնասիրութիւն մը սկսելու համար եւ պարկեշտամիտ անհատներուն օգնելու որ ‘ճշմարտութիւնը գիտնան’ (Յովհ. 8։31, 32)։