Եհովայի վկաներ. կենդանի հաւատք, Մաս 1. Խաւարէն դէպի լոյս
Աստուածաշունչին մէջ, լոյսը ճշմարտութեան հետ կապ ունի, իսկ խաւարը՝ ստութեան հետ (Սաղ. 43։3. Եսա. 5։20)։ Սատանան խաւարը մտցուց աշխարհին մէջ, երբ Եւան խաբեց, եւ ի վերջոյ մարդկութիւնը թանձր խաւարի մէջ մխրճեց (Յայտ. 12։9)։ Եհովայի վկաներ. կենդանի հաւատք, Մաս 1. Խաւարէն դէպի լոյս տեսաֆիլմը կը ժամանակագրէ ինչպէ՛ս հոգեւոր լոյսը սկսաւ խաւարէն դուրս գալ (Եսա. 60։1, 2)։ Տեսաֆիլմը դիտելէ ետք, կրնա՞ս հետեւեալ հարցումներուն պատասխանել։
1) Առաքեալներուն մահէն ետք, ինչպէ՞ս թանձր խաւար զարգացաւ։ 2) 1100–ական թուականներէն սկսեալ, ի՞նչ զարգացումներ մարդոց օգնեցին զատորոշելու, որ եկեղեցիները ճշմարտութիւնը չէին սորվեցներ։ 3) Ո՞վ էին Հէնրի Կրու եւ Ճորճ Սթոռզ։ 4) Չարլզ Ռասըլի կեանքէն ներս ի՞նչ իրադարձութիւններ խոր ազդեցութիւն ունեցան իրեն վրայ։ 5) Եղբայր Ռասըլը, անոր հայրը եւ կարգ մը ծանօթներ ինչպէ՞ս կը վարէին Աստուածաշունչի ուսումնասիրութեան նիստեր, եւ աստուածաշնչական ի՞նչ եզրակացութիւններու հասան։ 6) Աստուածաշունչի ուսումնասիրութեան այս խումբը ինչո՞ւ Նէլսըն Պարպըրի խումբին միացաւ, սակայն ի՞նչ բան պատճառ դարձաւ որ Եղբայր Ռասըլը ետ քաշուի։ 7) Յուլիս 1879–ին ի՞նչ պատահեցաւ, որ հոգեւոր լուսաւորման նոր ժամանակաշրջան նշանակեց։ 8) Անկէ ետք, հետզհետէ աւելցող Աստուածաշունչի Աշակերտները ի՞նչ ըրին բարի լուրը տարածելու համար։ 9) 1914–էն տարինե՜ր առաջ, Աստուածաշունչի Աշակերտները ի՞նչ ակնկալեցին որ այդ թուականին պիտի պատահէր։ 10) Եղբայր Ռասըլի մահէն ետք, Աստուածաշունչի Աշակերտները ի՞նչ մարտահրաւէրներ դիմագրաւեցին։ 11) Եղբայր Ռատըրֆորտը եւ իր ընկերակիցները բանտէն ազատ արձակուելէ ետք, Աստուածաշունչի Աշակերտները ի՞նչ ըրին։ 12) Այս տեսաֆիլմը դիտելը, Եհովայի կազմակերպութեան հանդէպ գնահատանքդ ինչպէ՞ս խորացուց։ 13) Այս տեսաֆիլմը ինչպէ՞ս զօրացուց վճռականութիւնդ, որպէսզի, հակառակ խոչընդոտներուն, միշտ նախանձախնդրաբար քարոզես։ 14) Ինչպէ՞ս կրնանք գործածել այս տեսաֆիլմը, որպէսզի ազգականներու, Աստուածաշունչի աշակերտներու եւ ուրիշներուն օգնենք։
Այդ Աստուածաշունչի Աշակերտները ի՜նչ թանկագին հոգեւոր ժառանգութիւն ձգեցին մեզի։ Հոգեւորապէս խաւար աշխարհի մը մէջ, անոնք քաջարի եւ նախանձախնդիր լոյս կրողներ էին։ Թող որ անոնց օրինակին հետեւինք եւ «լոյսի որդիներու պէս քալե[նք]» (Եփ. 5։8)։