Ներկայացումի նմոյշներ
Հոկտեմբեր ամսուան առաջին շաբաթ օրը Աստուածաշունչի ուսումնասիրութիւններ սկսելու համար
«Մենք կարճ այցելութիւն մը կու տանք մեր դրացիներուն։ Շատեր, որոնց հետ խօսած ենք, կ’ըսեն թէ իրենց դիմագրաւած ամէնէն դժուար պարագաներէն մէկն է՝ սիրելիի մը մահը։ Դուք ալ այդպէս կը զգա՞ք։ [Թոյլ տուր որ պատասխանէ։] Այս յօդուածը քաջալերական գտայ»։ Ցոյց տուր Դիտարան–ի 1 հոկտեմբեր թիւին ետեւի կողքը եւ միասնաբար նկատի առէք առաջին հարցումին տակ գտնուող նիւթն ու նշուած համարներէն առնուազն մէկը։ Պարբերաթերթերը առաջարկէ եւ յաջորդ հարցումը քննարկելու համար վերադառնալու կարգադրութիւն ըրէ։
Դիտարան 1 հոկտեմբեր
«Մենք մարդոց կ’այցելենք քաջալերելու զիրենք, որ Աստուածաշունչը կարդան։ Գիտենք թէ ոմանք Աստուածաշունչով հետաքրքրուած են, իսկ ուրիշներ՝ ոչ։ Ի՞նչ կրնայ ըսուիլ ձեր մասին։ [Թոյլ տուր որ պատասխանէ։] Աստուածաշունչը յստակօրէն այս բանը կ’ըսէ։ [Կարդա՛ Ա. Թեսաղոնիկեցիս 2։13։] Վստահ եմ թէ պիտի համաձայնիք, որ եթէ Աստուածաշունչը իսկապէս Աստուծմէ է, ուրեմն կ’արժէ՛ զայն կարդալ։ Այս պարբերաթերթը հակիրճ տեղեկութիւն կու տայ Աստուածաշունչին մասին եւ կ’ըսէ թէ անիկա ինչո՛ւ մեզ պէտք է հետաքրքրէ»։
Զարթի՛ր հոկտեմբեր
«Կ’ուզէի այս հարցումին մասին ձեր կարծիքը առնել։ Անհատ մը կրնա՞յ գոհունակութիւն ունենալ եթէ շատ նիւթական ստացուածք չունենայ։ [Թոյլ տուր որ պատասխանէ։] Նկատեցէք թէ Աստուածաշունչը ի՛նչ կ’ըսէ։ [Կարդա՛ Ա. Տիմոթէոս 6։8։] Այս պարբերաթերթը հաւասարակշռուած տեսակէտ մը կու տայ նիւթական ստացուածքներու վերաբերեալ եւ կը քննարկէ երեք արժէքաւոր բաներ, որոնք չենք կրնար դրամով գնել»։