Մեր ծառայութեան համար օգտակար յօդուածաշարք մը
1. «Զրոյց աստուածաշնչական նիւթի մը շուրջ» խորագրով յօդուածաշարքը ի՞նչ երկու նպատակ ունի։
1 Ատեն–ատեն, հանրամատչելի Դիտարան–ին մէջ «Զրոյց աստուածաշնչական նիւթի մը շուրջ» խորագրով յօդուած մը լոյս կը տեսնէ։ Այս յօդուածաշարքը երկու նպատակ ունի,– հետաքրքրական կերպով աստուածաշնչական ուսուցումներ ներկայացնել եւ մեզի ցոյց տալ, թէ ինչպէ՛ս կրնանք հմտութեամբ պատճառաբանել կարգ մը նիւթերու շուրջ (Ա. Պետ. 3։15)։ Ինչպէ՞ս կրնանք այս յօդուածները լաւագոյնս գործածել։
2. Ինչպէ՞ս կրնանք այս յօդուածաշարքը գործածել մեր ծառայութեան մէջ։
2 Զանոնք գործածէ ծառայութեան մէջ։ Կրնաս այս յօդուածները պարունակող Դիտարան–ի թիւերէն յաւելեալ օրինակներ քովդ պահել։ Երբ տանտէր մը, հետաքրքրուած անհատ մը կամ Աստուածաշունչի աշակերտ մը հարցում մը հարցնէ կամ առարկութիւն մը ընէ, որուն մասին այս յօդուածներէն մէկուն մէջ յիշուած է, օրինակ մը տուր իրեն եւ առաջարկէ իրեն հետ այդ յօդուածը քննարկել։ Եթէ այդ յօդուածը կրող պարբերաթերթէն տպուած օրինակ մը չունիս, կրնաս պարբերաթերթը բեռնել jw.org կայքէն։
3. Ինչպէ՞ս կրնանք տանտիրոջ հետ յօդուածներէն մէկը քննարկել։
3 Ինչպէ՞ս կրնաս այս յօդուածներէն մէկը քննարկել անհատի մը հետ։ Ոմանք անհատէն խնդրած են որ բարձրաձայն կարդայ յօդուածին մէջի դրացիին խօսքերը, մինչ իրենք կը կարդան Վկային խօսքերը։ Տպուած զրոյցը կարդալը կրնայ ազդու ըլլալ, քանի որ թոյլ կու տայ որ անհատը մեր հաւատալիքները քննէ կերպով մը, որ զինք նեղ կացութեան չի մատներ (Բ. Օր. 32։2)։
4. Ինչպէ՞ս կրնանք այս յօդուածները գործածել մենք մեզ մարզելու համար։
4 Դուն քեզ եւ ուրիշները մարզէ։ Մինչ այս յօդուածները կը կարդաս, նկատի առ համարները, օրինակները եւ տրամաբանելու կերպերը։ Նշմարէ նիւթին թոնը, ապա նոյնանման մօտեցում մը գործածէ ծառայութեանդ մէջ (Առ. 1։5. 9։9)։ Քոյր մը ըսաւ. «Երբ այս յօդուածները կը կարդանք, կարծես թէ կը սորվինք ‘կատարեալ’ ռահվիրայէ մը,– մէկը որ գիտէ միշտ ճիշդ բանը ըսել»։
5. Ինչպէ՞ս կրնանք մեր Աստուածաշունչի աշակերտներուն օգնել որ ծառայութեան նախապատրաստուին։
5 Կրնաս այս խօսակցական կերպով գրուած օրինակները նաեւ գործածել Աստուածաշունչի աշակերտներուդ օգնելու որ ծառայութեան նախապատրաստուին։ Նիւթը միասին կարդացէք. հրատարակիչին դերը աշակերտը թող առնէ։ Այսպիսով Աստուածաշունչի աշակերտները կրնան վարժուիլ իրենց հաւատալիքները հմտաբար արտայայտելու (Կող. 4։6)։ Իսկապէս, այս յօդուածաշարքը այն շատ մը կերպերէն մէկն է, որոնցմով Եհովան մեզի կ’օգնէ որ մեր ծառայութիւնը ‘լմա՛ն կատարենք’ (Բ. Տիմ. 4։5, ԱԾ)։