Աստուծոյ Խօսքին զօրութիւնը ծառայութեանդ մէջ յայտնի դարձուր

Երբ անհատ մը թոյլ տայ որ իրեն խօսինք բարի լուրին մասին, առիթը կ’օգտագործենք Աստուծոյ Խօսքին զօրութիւնը յայտնի դարձնելու՝ ուղղակի Աստուածաշունչէն համարներ կարդալով։ Այս կէտը շեշտուեցաւ անցեալ տարուան միօրեայ մասնաւոր համաժողովին։ Շրջանային տեսուչը տուաւ դասախօսութիւն մը՝ «Աստուծոյ խօսքին զօրութիւնը ծառայութեանդ մէջ յայտնի դարձուր» խորագրով։ Գլխաւոր կէտերը կը յիշե՞ս։

• Ինչո՞ւ Եհովային խօսքը մերինէն աւելի ազդու է (Բ. Տիմ. 3։16, 17)։

• Աստուածաշունչը ինչպէ՞ս մեր սրտին կը դպչի, մեր մտածելակերպը կը կաղապարէ, մեր շարժառիթները կը ճշդէ եւ մեր վարքը կը բարելաւէ (տե՛ս Դիտարան 1 յունիս 2012, էջ 30, պարբ. 7)։

• Երբ ծառայութեան մէջ անհատի մը կարդանք համար մը, ինչպէ՞ս կրնանք Աստուծոյ Խօսքին վրայ ուշադրութիւն հրաւիրել, այնպէս մը որ մարդիկ զայն յարգեն (տե՛ս Ծառայութեան դպրոց գիրքը, էջ 148, պարբ. 3, 4 եւ Մեր Թագաւորութեան ծառայութիւնը թերթիկին մարտ 2013 թիւը, էջ 6, պարբ. 8)։

• Ինչո՞ւ կարեւոր է որ մեր կարդացած համարները բացատրենք ու պատճառաբանենք, եւ ասիկա ինչպէ՞ս կրնանք ընել (Գործք 17։2, 3. տե՛ս Ծառայութեան դպրոց գիրքը, էջ 154, պարբ. 4–էջ 156, պարբ. 5)։