Եհովային փառք բերող կեանք մը վարէ

Կեանքը արժէքաւոր նուէր մըն է։ Մեր ամէնօրեայ ապրելակերպը ցոյց կու տայ, թէ այս նուէրը որքանո՛վ կ’արժեւորենք։ Որպէս Եհովայի վկաներ, մենք կը ջանանք մեր ձիրքերն ու կարողութիւնները գործածել, որ պատուենք եւ փառաբանենք Եհովան՝ մեր Կենսատուն (Սաղ. 36։9. Յայտ. 4։10բ)։ Բայց այս չար աշխարհին մէջ ամէնօրեայ մտահոգութիւնները կրնան դիւրաւ մեր հոգեւոր հետապնդումներուն արգելք կենալ (Մար. 4։18, 19)։ Լաւ կ’ըլլայ որ ամէն մէկս ինքն իրեն հարցնէ. ‘Եհովային լաւագոյնս կու տա՞մ (Ով. 14։2)։ Գործս ինչպէ՞ս կ’ազդէ ծառայութեանս։ Ի՞նչ հոգեւոր նպատակակէտեր ունիմ։ Ինչպէ՞ս կրնամ ծառայութիւնս ընդլայնել’։ Եթէ բարեփոխումի պէտքը տեսնես, Եհովային աղօթէ որ քեզի օգնէ որ կեանքիդ մէջ պէտք եղած փոփոխութիւնները մտցնես։ Անկասկած, երբ ամէն օր Եհովան փառաբանենք, գոհունակ եւ ուրախ կեանք մը կ’ունենանք (Սաղ. 61։8)։

ԴԻՏԷ ՁԻՐՔԵՐԴ ԵՀՈՎԱՅԻՆ ՀԱՄԱՐ ԳՈՐԾԱԾԷ ՎԻՏԷՈՆ ԵՒ ՅԵՏՈՅ ԱՅՍ ՀԱՐՑՈՒՄՆԵՐՈՒՆ ՊԱՏԱՍԽԱՆԷ.

• Ինչո՞ւ իմաստութիւն չէ ձիրքերդ Սատանային աշխարհին նուիրել (Ա. Յովհ. 2։17)։

• Ի՞նչ օրհնութիւններ կը ստանան անոնք՝ որոնք իրենց լաւագոյնը կու տան Եհովային։

• Սուրբ ծառայութեան ո՞ր երեսակներուն մէջ կրնաս ձիրքերդ ու հմտութիւններդ Եհովային նուիրել։