Ամուսնութիւնդ պահպանէ

Եհովան ամուսնական ուխտը շատ լուրջի կ’առնէ։ Ինք ըսաւ որ ամուսինն ու կինը իրարու պէտք է յարին (Մատ. 19։5, 6)։ Եհովայի ժողովուրդին մէջ շատ մը օրինակելի ամուսնութիւններ կան։ Բայց կատարեալ ամուսնութիւն մը չկայ։ Խնդիրներ պիտի՛ ըլլան, բայց պէտք չէ շատերու պէս մտածենք, որ եթէ զոյգ մը խնդիրներ կ’ունենայ, լուծումը բաժանումն ու ամուսնալուծումն է։ Լաւ, ամուսնացած զոյգերը ինչպէ՞ս կրնան իրենց ամուսնութիւնը պահպանել։

Նկատի առ հինգ կարեւոր քայլեր.

1. Սիրտդ պահպանէ՝ անբարոյ ժամանցը մերժելով եւ սիրային խօսքեր չըսելով հակառակ սեռի պատկանող անհատներու։ Այս սովորութիւնները կը տկարացնեն ամուսնութիւնը (Մատ. 5։28. Բ. Պետ. 2։14)։

2. Աստուծոյ հետ բարեկամութիւնդ զօրացուր, եւ շատ ջանք թափէ որ ամուսնութիւնդ զինք հաճեցնէ (Սաղ. 97։10)։

3. Շարունակէ նոր անձնաւորութիւնը հագնիլ, եւ պզտիկ ազնիւ արարքներ ըրէ, որոնք կը դիւրացնեն կողակիցիդ կեանքը (Կող. 3։8-10, 12-14)։

4. Միշտ կողակիցիդ հետ հաղորդակցէ եւ յարգանքով խօսէ իրեն հետ։ Խօսեցէք ձեր ամէն մէկուն համար կարեւոր եղող բաներու մասին, եւ ոչ թէ միայն երկրորդական բաներու մասին (Կող. 4։6)։

5. Գուրգուրանքով եւ սիրով վճարէ ամուսնական պարտքը (Ա. Կոր. 7։3, 4. 10։24)։

Երբ քրիստոնեաները պատուեն ամուսնութիւնը, անոնք պատուած կ’ըլլան ամուսնութեան Հիմնադիրը՝ Եհովան։

ԴԻՏԷ ՊԷՏՔ Է «ՀԱՄԲԵՐՈՒԹԻՒՆՈՎ ՎԱԶԵՆՔ». ՄՐՑՈՒՄԻՆ ՕՐԷՆՔՆԵՐՈՒՆ ՀՆԱԶԱՆԴԵՑԷՔ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• 

  Թէեւ ամուսնութիւն մը կրնայ լաւ սկսիլ, բայց ի՞նչ դժուարութիւններ կրնան ծագիլ։

• 

  Սուրբ Գիրքին սկզբունքները ինչպէ՞ս կրնան օգնել անոնց, որոնք կը զգան որ իրենց ամուսնութեան մէջ սէր չկայ։

• 

  Եհովան ի՞նչ օրէնքներ դրած է ամուսնութեան համար։

• Ամուսնութիւն մը յաջող ըլլալու համար, երկու կողակիցները ի՞նչ պէտք է ընեն։