Կեանքը վայելէ յաւիտեա՛ն գիրքը գործածէ ծառայութեան մէջ

Որքա՜ն ուրախ ենք որ նոր գրքոյկ մը եւ գիրք մը ունինք ուրիշներուն հետ սերտելու համար։ Եհովային կ’աղօթենք որ մեր ջանքերը օրհնէ, որ շատ աւելի անհատներ Յիսուսին աշակերտները դառնան (Մատ. 28։18-20. Ա. Կոր. 3։6-9)։ Ինչպէ՞ս կրնանք գործածել գրքոյկն ու գիրքը։

Քանի որ Կեանքը վայելէ յաւիտեա՛ն գիրքին միջոցաւ նոր կերպով պիտի սորվեցնենք մարդոց, այս ուղղութիւններուն հետեւէ, մինչ Աստուածաշունչի ուսումնասիրութիւններուն համար կը պատրաստուիս եւ զանոնք կը վարեսa։

• Պարբերութիւնները կարդա՛ եւ հարցումները հարցուր

• Կարդա՛ այն համարները որոնց քով «կարդացէ՛ք» գրուած է, եւ աշակերտին օգնէ որ հասկնայ թէ ատոնք ինչպէ՛ս կրնայ գործադրել

• Վիտէօները դիտել տուր եւ աշակերտին հետ ատոնց մասին խօսէ, գործածելով գրուած հարցումները

• Փորձէ ամէն մէկ դաս մէկ նիստի մէջ վերջացնել

Ծառայութեան մէջ նախ գրքոյկը առաջարկէ, որ տեսնես թէ անհատը հետաքրքրուած է կամ ոչ (տե՛ս «Ինչպէ՞ս կրնաս Կեանքը վայելէ յաւիտեա՛ն գրքոյկը առաջարկել առաջին հանդիպումին» շրջանակը)։ Երբ աշակերտին հետ սերտես ամբողջ գրքոյկը եւ աշակերտը ուզէ շարունակել, գիրքը առաջարկէ եւ սկսէ դաս 04–էն։ Եթէ արդէն մէկու մը հետ կը սերտես Ի՞նչ կրնանք սորվիլ գիրքը կամ Աստուծոյ սէրը գիրքը, անցիր Կեանքը վայելէ յաւիտեա՛ն գիրքին եւ որոշէ ո՛ր դասէն սկսիլ։

ԴԻՏԷ ՍՈՒՐԲ ԳԻՐՔԻ ԴԱՍԸՆԹԱՑՔԸ ԻՆՉՊԷ՞Ս Կ’ԸԼԼԱՅ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.

• Աշակերտները ի՞նչ պիտի սորվին նոր գիրքէն։

• Ինչո՞ւ պէտք է այս վիտէոն ցուցնես նոր աշակերտներուն։

• Պէտք է կամաց–կամաց աշակերտին օգնես, որ ի՞նչ նպատակներ դնէ եւ ատոնց հասնի (տե՛ս «Ամէն մէկ մասին բուն կէտը եւ նպատակակէտերը ի՞նչ են» ցուցակը)։