Անարդարութեան տոկալ

Կարդա՛ Ծննդոց 37։23-28. 39։17-23–ը, որպէսզի Յովսէփէն սորվիս ինչպէ՛ս անարդարութեան տոկալ։

Շուրջի համարները նկատի առ։ Ուրիշներ ինչո՞ւ անարդարութեամբ վարուեցան Յովսէփին հետ (Ծն. 37։3-11. 39։1, 6-10)։ Յովսէփ որքա՞ն երկար անարդարութիւն քաշեց (Ծն. 37։2. 41։46)։ Այդ ժամանակուան ընթացքին, Եհովան Յովսէփին համար ի՞նչ ըրաւ եւ ի՞նչ չըրաւ (Ծն. 39։2, 21. դ23.01 17 ¶13)։

Աւելի՛ պրպտէ։ Սուրբ Գիրքը չ’ըսեր որ Յովսէփ ինքզինք պաշտպանեց, երբ Պետափրէսին կինը սուտ խօսեցաւ իր մասին։ Հետեւեալ համարները մեզի ինչպէ՞ս կ’օգնեն մտածելու, որ Յովսէփ թերեւս ինչո՛ւ ընտրեց բան մը չըսել, եւ թէ մենք ինչո՛ւ չենք կրնար ակնկալել ամէն մէկ մանրամասնութիւն գիտնալ (Առ. 20։2. Յովհ. 21։25. Գործք 21։37)։ Հաւանաբար ո՞ր յատկութիւնները Յովսէփին օգնած ըլլալու էին, որ անարդարութեան դիմանայ (Միք. 7։7. Ղուկ. 14։11. Յակ. 1։2, 3)։

Մտածէ թէ ի՛նչ դասեր կրնաս սորվիլ։ Դուն քեզի հարցուր.

• ‘Ի՞նչ անարդարութիւն կ’ակնկալեմ որ հետս պատահի, քանի որ Յիսուսին աշակերտն եմ’ (Ղուկ. 21։12, 16, 17. Եբ. 10։33, 34)

• ‘Ինչպէ՞ս կրնամ հիմակուընէ պատրաստուիլ անարդարութեան տոկալու’ (Սաղ. 62։7, 8. 105։17-19. դ19.07 2-7)