Աստուծոյ Թագաւորութիւնը ի՞նչ պիտի ընէ պատերազմներու նկատմամբ

Ամբողջ աշխարհի մէջ, պատերազմները կը շարունակեն կործանում, ցաւ եւ չարչարանք պատճառել։ Նկատի առ այս տեղեկագրութիւնները.

• «1994–էն ի վեր, անցեալ տարի առաջին տարին էր որ ա՛յսքան շատ մարդիկ մեռան պատերազմներու պատճառով,– գլխաւորաբար՝ Եթովպիայի եւ Ուքրանիայի մէջ» (Peace Research Institute Oslo, 7 յունիս 2023)։

• «Շատ մը պատերազմներ աւելի գէշ եղան 2022–ին։ Ուքրանիայի պատերազմը այդ պատերազմներէն միայն մէկն էր։ Ամբողջ աշխարհի մէջ, անցեալ տարի, քաղաքական գետնի վրայ վայրագութիւնները 27 առ հարիւր աւելցան եւ մօտ 1,7 միլիառ մարդ ատոնցմէ ազդուեցան» (The Armed Conflict Location & Event Data Project, 8 փետրուար 2023)։

Սուրբ Գիրքը մեզի յոյս կու տայ։ Անիկա կ’ըսէ. «Երկնքի Աստուածը ուրիշ թագաւորութիւն մը պիտի հանէ, որ յաւիտեան պիտի չաւերուի» (Դանիէլ 2։44)։ Այս Թագաւորութեան կամ կառավարութեան տակ, Աստուած ‘պատերազմները պիտի դադարեցնէ մինչեւ երկրի ծայրը’ (Սաղմոս 46։9)։