• Ձեզի Ի՞նչպիսի Մարդիկ Ըլլալ Կը Վայելէ
    Թագաւորութեան ծառայութիւն (1995) | Օգոստոս

    • 1 հաշուետուութեան ժամանակ մը կը մօտենայ ամբողջ մարդկութեան համար։ Աստուածաշունչը զայն կը կոչէ «Եհովայի օրը»։ Անիկա այն ժամանակն է երբ աստուածային դատաստանը պիտի գործադրուի ամբարիշտներուն դէմ. անիկա նաեւ ազատագրումի ժամանակ մըն է արդարներուն համար։ Բոլոր անոնք որոնք այն ժամանակ ողջ են, հաշիւ պիտի տան թէ ինչպէ՛ս ապրած են իրենց կեանքերը։ Այս մէկը նկատի առնելով, Պետրոս կը յարուցանէ քննիչ հարցում մը. «Ձեզի ի՞նչպիսի մարդիկ ըլլալ կը վայելէ»։ Ան կը շեշտէ ‘սուրբ վարմունքին, աստուածպաշտութեան եւ Եհովայի օրը միշտ մտքին մէջ պահելու’ կարեւորութիւնը, ինչպէս նաեւ՝ կարիքը ‘անբիծ, անարատ եւ խաղաղութեան մէջ’ ըլլալու։—Բ. Պետ. 3։11–14, ՆԱ։