Imbitan ta Memorial i Ngamin ta Teritorianu!

Ta kampania nga mamegafu sonu Pebrero 27, imbitattam i ngamin ta teritoria tam tapenu makiselebra nittam ta Memorial na patay ni Cristo. Mawag gapa nga mammuattam nu sinni ira i nangipasingan tu interes tapenu moffunan paga ira.

I AWAYYAM NGA KUAN

KAGIAN I PRESENTASIOMMU

“Iyayawami yaw nga imbitasion meyannung ta tadday nga importante nga okasion. Sonu Marso 23, minillion ta interu mundo i mattaradday tapenu iselebra i patay ni Jesu-Cristo anna magginna tu libre nga diskurso ta Biblia meyannung ta benefisiona yatun. Egga taw ta imbitasion i oras anna lokasion nga kesimmuanna yaw ta lugar tam. Makangay ka nakuan nu awayyam.”

Nu interesadu i tolay . . .

• IPALIMA I PASSIFUSIFUTAN

  Magangngua tu pundasion para ta panoli uli.

• IPAGIRAW I VIDEO NA MEMORIAL

  Magangngua tu pundasion para ta panoli uli.

Sonu manoli ka, awayyam nga . . .

• IPAGIRAW I NGATTA GIGIAMMUAMMU I BIBLIA?

  Kabalinna, mangipalima tu tadday nga publikasion nga meyusa ta paggigiammu tu Biblia.

• IPALIMA I ANNI TALAGA I ITUTTUDDU NA BIBLIA?

  Ipakanawag paga tu mapia i meyannung ta Memorial nga usan i pahina 206-208. Kabalinna, ipalima i libru.

• IPALIMA I MAGGINNA KA TA DIOS TAPENU MATTOLAY KA TU MANNANAYUN

  Ipakanawag i kebalinan na patay ni Cristo nga usan i pahina 18-19. Kabalinna, ipalima i brosiur.