Kabataan nga sister nga maddaggun marreport ta arubang na klasena
Pamarigan nga Presentasion
GUMISING!
Pakkiavu: Segun ta report ira, umara-aru i madeddepres ira nga tinedyer. Egga kari i makua tam tapenu moffunan ira?
Pangipalima: Mabibbig taw nga magazina i karuan tu suhestion nu kunnasi marubang na tinedyer ira i depresion, anna nu kunnasi makoffun i maganada.
ITUDDU I KINAKURUG
Pakkiavu: Kunnasi mabbalin tu magayaya i pagatawa?
Teksto: Ef 5:33
Kinakurug: Magayaya i pagatawa nu egga i aya anna respeto ta kataggi-tadday.
THE ORIGIN OF LIFE—FIVE QUESTIONS WORTH ASKING (lf-E)
Pakkiavu: Nu meyannung ta importante ira nga pakkiavu gitta na nu kunnasi namegafu i inango, sitaw tam nakuan ibase i pangurug tam?
Teksto: Heb 11:1
Pangipalima: Kaya kagian na “ari nga pabbabbang” ay kumbinsidu megafu ta manawag ira nga ebidensia. Mabibbig taw nga brosiur i lima nga pakkiavu meyannung ta naggafuan na inango, anna nu anni i ipasingan na ebidensia ira.
MAGANGNGUA KA TU PRESENTASIOMMU
Usan i format ta nakagi ira nga angngarigan tapenu makangngua ka tu sarilim nga presentasion ta ministerio.