Mamaggutu i Kansion ira na Pappatulan

Naddayaw ta Dios gukaban na kansion si Pablo anni Silas kustu egga ira ta affukutan. (King 16:25) Ta moderno nga tiempo, nakkansion tu kansion ira na Pappatulan i kapangngurug tam ira durante nga egga ira ta kampu nga affukutan ta Sachsenhausen ta tiempo na Nazi Germany anna turi neyangay ira ta Siberia. Ipasingan naw ira nga angngarigan i pakapangngua na kansion ira nga mamaggutu ta Cristiano ira nga meparubang ta kapurueba.

Aru gapa nga lengguahe ira i mapeggan gapa ta mappange tu bagu nga libru na pakkansionan nga “Sing Out Joyfully” to Jehovah. Sonu egga ngana kopia tam, awayya tam kabisaduan i lirikona gukaban na pagensayu ta kansion ira ta paddayarayaw na familia. (Ef 5:19) Tapus, uffunan ittam na masanto nga espiritu nga manono uli danaw nu egga ira kapurueba. Moffunan ittam na kansion ira na Pappatulan nga maffokus ta iddanama tam. Yaw i mamagaram nittam nu meparubang ittam ta kapurueba ira. Maski nu makasta i situasiottam, i makapagaram nga lirikona ira i mamaguyu nittam nga “magayaya nga makkansion” megafu ta ayaya nga egga ta futu tam. (1Cr 15:16; Sal 33:1-3) Kuattam i ngamin nga mawayya tam nga usan tu mapia i kansion ira na Pappatulan!

GIRAWAN I VIDEO NGA KANSION NGA NAMAGARAM TA TRABAHADOR IRA, KABALINNA, TABBAGAN I TUMUNUG IRA NGA PAKKIAVU:

• Anni ira i nesimmu yari tu namadday tu kansion si Brother Frost?

• Kunnasi napagaram na kansion i wawwaragi ta kampu nga affukutan ta Sachsenhausen?

• Anni ira nga situasion ta inaggaggaw nga awayya naka mapasikan na kansion ira na Pappatulan?

• Anni nga kansion ira na Pappatulan i kayàmu nga kabisaduan?