Magayayya nga Dayawan si Jehova Gukaban na Kansion

Ta kegga da Pablo anni Silas ta affukutan, zinayawda si Jehova gukaban na kansion. (King 16:25) Siguradu nga napasikan ira na pakkansiodda tapenu makapagattam. Kunnasi gapa ta kaggawattam? I kansion ira ta paddayarayaw anna i orihinal ira nga kansion ay mamasikan anna makoffun nittam nga mattalupaddian nga matalo nu mapurueban. Fuera paga tatun, makedayaw yatun ira kani Jehova. (Sal 28:7) Kanayun nga mepagaram nittam nga kabisaduan i liriko na maski piga laman nga kansiottam. Nakuam kari ngana yatun? Awayya tam praktisan i kansion ira anna gigiammuan i liriko ira ta paddayarayaw na familia.

GIRAWAN I VIDEO NGA DAYAWAN NA ABBARABBING SI JEHOVA GUKABAN NA KANSION, KABALINNA, TABBAGAN I TUMUNUG IRA NGA PAKKIAVU:

• 

  Anni i makasta nga efekto ta nittam na pakkansion tu Kingdom song ira?

• 

  Kunnasi nga mapprepara i Audio/Video Department ira ta parrekord tu kansion?

• 

  Kunnasi nga mapprepara i abbarabbing anna i familiada ira ta parrekord tu kansion?

• 

  Anni ira i paboritom nga Kingdom song, anna ngatta?