MATTOLAY NGA CRISTIANO
Duffunan Ittam ni Jehova ta Problema Tam Ira
Taw ira nga pangurianan nga aggaggaw, maka-ekspiriensa ittam tu aru ira nga maziga nga problema. Nu mittan, gitta na ariattam ngana nga makaya i problema tam ira. Ngem nu kanayun ittam nga madukko kani Jehova, duffunan na ittam nga maattamman maski i pinakamariga ira nga problema. (Isa 43:2, 4) Kunnasi ittam maddukko kani Jehova nu egga i problema tam?
Makimallo. Nu ivuvvu tam i mayan na futu tam kani Jehova, iyawa na i imammo anna sikan tapenu makapagattam ittam.—Fil 4:6, 7; 1Te 5:17.
Magatende ta study. Mas kakawagattam sangawe i pakikavulu ta wawwaragi tam anna i espiritual nga makan nga malalawa tam kani Jehova ta study tam ira. (Heb 10:24, 25) Nu mapprepara, magatende, anna makipartisipa ittam ta study tam ira, maapprobetcha tam tu mapia i uffun na espiritu ni Jehova.—Nep 2:29.
Makipartisipa ta ministerio. Mas makapaffokus ittam ta positibo ira nga gannug nu kuattam i ngamin nga mawayya tam nga mabbalin tu aktibo ta ministerio. Mas maddukko ittam gapa kani Jehova anna ta wawwaragi tam.—1Co 3:5-10.
GIRAWAN I VIDEO NGA SI JEHOVA I NABBALIN TU YAMÀ, KABALIN NA, TABBAGAN I TUMUNUG IRA NGA PAKKIAVU:
Anni i nakaduffun kani Malu tapenu mattalupaddian yayya nga madukko kani Jehova ta mariga ira nga situasion?
Kagitta ni Malu, kunnasi ittam mabanna-bannayan ta nakagi ta Salmo 34:18 nu egga i problema tam?
Kunnasi nga ipasingan na ekspiriensa ni Malu nga iyawa ni Jehova ta nittam i “ari nga maguku-gukug nga pakapangngua” na ta mariga ira nga situasion?—2Co 4:7