Nakaprepara Ka Kari nu Egga i Krisis ta Ekonomia?

Ari ittam ngana nga makaddag ta krisis ta ekonomia nga resulta na mesissimmu ira ta interu mundo. Ta ngatta? Megafu ta mattotolay ittam ngana ta urian nga parte na pangurianan ira nga aggaw. Inabisowan ittam gapa na Biblia nga ariattam nga mammakatalo ta “gannug ira nga mapawan gabbalaman.” (1Ti 6:17; 2Ti 3:1) Anni i magigiammu tam kani Patul Jehosafat ta pabbalin tu preparadu nu egga i krisis ta ekonomia?

Turi ta umatake i kalaban ira nga nasion, nattalo si Jehosafat kani Jehova. (2Cr 20:9-12) Dati na gapa nga niprepara i nasion—pinaderan na i siudad ira anna nangipuestu yayya tu kampu ira na suddalu. (2Cr 17:1, 2, 12, 13) Kagitta ni Jehosafat, mawag nga mattalo ittam kani Jehova anna mapprepara ittam para ta mariga ira nga situasion.

GIRAWAN I VIDEO NGA NAKAPREPARA KA KARI TA MARIGA IRA NGA SITUASION? KABALIN NA, TABBAGAN I TUMUNUG IRA NGA PAKKIAVU:

• Anni ira i kuattam tapenu makaprepara ittam para ta mariga ira nga situasion?

  I tabbag mu

• Kunnasi ittam nga makapapprepara tapenu manuffun ta tanakuan?

  I tabbag mu