Nakaprepara Ittam Nakuan Taw nga Ultimu na “Pangurianan ira nga Aggaw”

Ta pagattattam tam ta ultimu na “pangurianan ira nga aggaw,” ekspektattam nga mas mazziga i situasion. (2Ti 3:1; study note nga “matinding paghihirap” ta Mt 24:8, nwtsty) Nu egga i kalamidad, kanayun nga makalawa i ili ni Jehova tu direksion nga eksakto ta tiempo anna makepaliag. Mapaliag ittam ta mappange ira nga kalamidad nu iprepara tam sangawe paga laman i espiritualidad tam anna i kawagattam ira.​—Lu 16:10.

• Iprepara tam i espiritualidad tam: Magangngua tu makasta nga rutina. Gigiammuan i nadduruma nga klase na ministerio. Ari ka nga maganassing nu mesina ka tu manganannuan ta kakongregasiommu ira. (Isa 30:15) Ari ka vuluvuga nesina kani Jehova anna kani Jesus.​—od-TG 176 ¶15-17

• Iprepara tam i kawagattam ira: Fuera paga ta bag nga para ta emergency, mawag nakuan nga egga i abasto na kada familia tu makan, danum, medisina, anna karuan paga nga kawagan nu mawag nga maddian ta tadday nga lugar ta mabayag nga tiempo.​—Pr 22:3; g17.5-TG 4, 6

GIRAWAN I VIDEO NGA NAKAPREPARA KA KARI TA KALAMIDAD IRA? KABALINNA, TABBAGAN I TUMUNUG IRA NGA PAKKIAVU:

• 

  Kunnasi tam nga meprepara i espiritualidad tam para ta mappange ira nga kalamidad?

• 

  Ngatta importante nga . . .

  • makikomunika ta elder ira?

  • mapprepara tu emergency kit?

  • pabbiridan i kalamidad ira nga awayyana nga mesimmu anna i kuattam ta kada situasion?

• 

  Anni i tallu nga makua tam tapenu makaduffun ta tanakuan nu egga mesimmu nira nga kalamidad?

IYAVU MU TA BAGGIM, ‘Anni ira i nagigiammù ta COVID-19 pandemic meyannung ta pabbalin tu preparadu?’