Nakaprepara Ka Kari nu Egga i Gulu ta Lugar Nu?

Megafu ta araranni ittam ngana ta panuppalan naw nga sistema, ekspektattam nga mas umaru i gulu, terorismo, anna gerra. (Nep 6:4) Kunnasi ittam makapapprepara para ta mariga ira nga situasion?

• Iprepara tam i espiritualidad tam: Magaleg ka tu prinsipio anna istoria ira ta Biblia nga mamassikan ta pattalo mu kani Jehova anna ta organisasion na anna yari makaduffun ta niko tapenu mattalupaddiakka nga neutral. (Pr 12:5; jr-TG 125-126 ¶23-24) Sangawe ngana i tiempo nga mas makiddukko ittam ta kakongregasiottam ira.​—1Pe 4:7, 8

• Iprepara tam i kawagattam ira: Datim ngana nga iplano i kuammu nu duttal i tiempo nga ari tu puede i mallawan ta balay. Mangisina ka tu kawagammu nga abasto. Iplanom gapa i kuammu nu mawag mu i magevacuate. I-check mu i mayan na bag mu nga para ta emergency. Ariammu kattaman nga mangipay tu kuartu anna personal protective equipment kagitta na gloves anna mask. Ammuammu nakuan nu kunnasi nga makontak i elder ira, anna siguraduammu gapa nga makontak daka.​—Isa 32:2; g17.5-TG 3-7

Nu maddaggun i gulu, itulu-tuloy mu lapa i rutinam ta espiritual. (Fil 1:10) Ari ka nakuan makalawa-lawan fuera laman nu kawagan. (Mt 10:16) Ibillem i kanammu anna i karuan paga nga abastom.​—Ro 12:13.

GIRAWAN I VIDEO NGA NAKAPREPARA KA KARI TA MARIGA IRA NGA SITUASION? KABALIN NA, TABBAGAN I TUMUNUG IRA NGA PAKKIAVU:

• Kunnasi ittam maduffunan ni Jehova ta mariga ira nga situasion?

• Anni ira i kuattam tapenu makaprepara ittam?

• Kunnasi tam nga maduffunan danuri afektadu na mariga ira nga situasion?