Pakastan i Abilidad Tam ta Ministerio​—Panuddu ta Bible Study Tam ira nga Mapprepara

NU NGATTA IMPORTANTE: Nu nakaprepara i Bible study ira, mas alistuda malippawa anna manono i ituttuddu tam nira. Nu kunna, mas mabi ira mapprogreso. Maski kabalin na bawtismo, mawagda mapprepara ta study ira na kongregasion anna ta ministerio tapenu kanayun ira nga ‘nakaparan.’ (Mt 25:13) Yari tu mabenefisiowan ira ta interu pattoleda nu ammuda nu kunnasi i maggigiammu anna nu makasta i rutinada ta paggigiammu. Ta gafu paga laman, uffunattam ngana ira nga kanayun mapprepara ta paggigiammuda tu Biblia.

NU KUNNASI NGA KUAN:

• 

  Mabbalin tu ehemplo. (Ro 2:21) Mapprepara ta kada paggigiammu nga agga-nono mu i estudiante. (km-TG 11/15 3) Ipasingammu sa i nagallitan nga publikasiommu

• 

  Pagaramman yayya nga mapprepara. Nu negafu ngana i paggigiammu, ikagi sa nga parte na paggigiammu tu Biblia i papprepara, anna iyesplika i benefisio ira. Makkagi tu praktikal ira nga suhestion nu kunnasina meddan tu tiempo i papprepara. Durante ta paggigiammu, ipeyusa na karuan nga mab-Bible study i nagallitan nga publikasiodda tapenu masingan na estudiante i benefisio ira. Komendan yayya nu napprepara

• Ipasingan sa nu kunnasi mapprepara. Ta gafu paga laman, usan na karuan nga mab-Bible study i interu sesion na paggigiammu tapenu ipasingan ta estudianteda nu kunnasi mapprepara ta leksion