Nu Ariammu Ngana Makaya i Mattolay

Angngariganna, nawawan ni Sallya nga taga-United States i maggi ngamin nga pakkukuana megafu ta bagiu. Kinagina: “Kakku ammu nu makayà paga. Aru nga aggaw nga matageno ku nga gittana sumuku ngà ngana.”

Kunnasi gapa nu natayakka? Kinagi ni Janice nga taga-Australia: “Turi ta natay i dua nga ana ku, mawag nga buu-akku i nadaral nga pattolè adde ta mawayyà. Nakimemallo ngà ta Dios: ‘Kakku ngana makaya! Kayà ku ngana i matay. Manaki ku ngana i mattolay.’”

Kuruga nazziga-riga gapa si Daniel turi ta inilloku yayya na atawana. Kunna: “Kustu inamin na atawà nga ari yayya matalo niakan, gittana naduddug i futù. Natageno ku yaw nga taki nga manotoli nga manuddug niakan​—anna nabbayag yaw ta piga vulan.”

Magigiammu taw nga isyu na Passifusifutan nu ngatta egga lagapa i serbi na pattolem maski nu

• Nafektan ka na kalamidad

• Natayakka

• Inilloku naka na atawam

• Egga i grabe nga taki mu

• Ariammu ngana makaya i mattolay

Tabbagattam labbi nu kunnasi tam marubang i efekto na kalamidad.