Nadduruma nga Keyusan na JW Library

TA PAGGIGIAMMU:

• Bibbigan i Biblia anna i inaggaw nga teksto

• Bibbigan i Taunang Aklat, magazina, anna tanakuan ira nga publikasion. Usan i bookmark feature

• Mapprepara ta study ira na kongregasion, anna i-highlight i tabbag ira

• Girawan i video ira

TA STUDY:

• Innan i teksto ira nga kagian na ispiker. Usan i history feature tapenu makatoli ta tadday nga teksto

• Imbes nga mangivulu tu aru nga neyimprenta nga publikasion ira ta study, usan i gadget-mu ta pattuttul ta nadduruma nga parte anna ta pakkansion. Egga ta JW Library i bagu ira nga kansion nga awan paga ta neyimprenta nga pakkansionan

TA MINISTERIO:

• Ipasingan ta tadday nga interesadu i JW Library, anna uffunan yaya nga i-download i app anna publikasion ira ta mismu gadget-na

• Usan i search feature tapenu malegan i tadday nga teksto ta Biblia. Nu egga uvovug ira nga arianna mallawan ta narebisa nga New World Translation, umay ta Reference Bible anna alegan uli

• Mangipagiraw tu video. Nu egga ána na householder, awayyam ipagiraw i tadday ta video ira nga Maging Kaibigan ni Jehova. Onu puedem nga ipagiraw i video nga Ngatta Gigiammuammu i Biblia? tapenu mas paga maginteres ta paggigiammu tu Biblia. Nu egga tanakuan i lengguahena, mangipagiraw tu video ta lengguahena

• Ipasingan i teksto ta tanakuan nga lengguahe nga datim ngana ne-download. Umay ta teksto, pindutan i numero na bersikulo, anna pindutan i icon para ta tanakuan ira nga pakka-transleytna