Makikavulu ta Mangaya ira Kani Jehova

Ngatta makikavulu ittam nakuan ta mangaya ira kani Jehova? Megafu ta mainfluwensian ittam na kakavvulu tam nga kuan i mapia onu marake. (Pr 13:20) Angngariganna, kingngua ni Patul Jehoas i “fustu ta paningan ni Jehova” adde ta kavuluna i Atannang nga Pari nga si Jehoiada. (2Cr 24:2) Ngem kustu natay si Jehoiada, pinanawan ni Jehoas si Jehova megafu ta marake nga kakavvulu.​—2Cr 24:17-19.

Ta ollu siglo C.E., nigitta ni apostol Pablo i kongregasion Cristiano ta “balay nga dakal” anna i miembro ira na kongregasion ta “piggan anna tasa ira,” onu gamit ira ta balay. “Importante” i keyusa tam nu lillitattam i madukko nga pakikavulu ta sinni laman nga magaggangngua ta kalussaw ni Jehova, maski paga kafamilia onu kakongregasiottam. (2Ti 2:20, 21) Makikofuttam laman gafu ta mangaya ira kani Jehova anna ta mamagaram nittam nga passerbian yayya.

GIRAWAN I VIDEO NGA LILLITAN I MARAKE NGA KAKAVVULU, KABALINNA, TABBAGAN I TUMUNUG IRA NGA PAKKIAVU:

• Kunnasi nga ariattam mataga-tageno nga makikakkavulu ittam ngana ta marake nga totolay?

• Ta video, anni i nakoffun ta tallu nga Cristiano nga iyemmang i marake nga pakikavulu?

• Anni ira nga prinsipio ta Biblia i makoffun tapenu mapilim tu mapia i kakavulu mu?