Anni i Magigiammum ta Orihinal ira nga Kansion?

Anni ira i paboritom nga orihinal nga kansion? Ngatta paboritom danatun? Masingammu kari ta video ira i mesissimmu ta inaggaw nga pattolay? Gafu ta nadduruma i tema anna istilo na musika, egga i para ta ngamin. Ngem i orihinal nga kansion anna music video ira ay ari laman tapenu marelaks ittam.

Mangituddu i kada orihinal nga kansion tu praktikal ira nga leksion nga meyaplika tam ta pattolay anna ministerio tam nga Cristiano. Nakafokus i karuan nga kansion ta pamadulo, pattaradday, pakkorofun, gutu, aya, onu pangurug. Meyannung gapa i karuan ta panoli kani Jehova, pamakoma, integridad ta inaggaw, anna ta espiritual ira nga addetan. Egga paga lagu i orihinal nga kansion meyannung ta balanse nga pangusa tu cellphone. Anni paga ira i praktikal nga leksion nga nagigiammum ta orihinal ira nga kansion?

GIRAWAN I VIDEO NA ORIHINAL NGA KANSION NGA ITO’Y NALALAPIT NA, KABALINNA, TABBAGAN I TUMUNUG IRA NGA PAKKIAVU:

• Anni nga bendision ta mappange i nononopan na manakam nga magatawa?—Ge 12:3

• Kunnasi tam mapasikan i pangurug tam ta pakawayya ni Jehova nga ituppal i promesana ira?

• Anni ira nga kappagayayya nga passiringan uli i aranni ngana nga mesimmu?

• Kunnasi nga makaduffun nittam i iddanama nga irattal na Pappatulan tapenu maattammattam i problema ira ta maddaggun?—Ro 8:25