MABBALIN TU EFEKTIBO TA MINISTERIO | KUAMMU TU MAS MAKAPAGAYAYYA I MINISTERIOM
Alawatan i Uffun na Wawwaragi Ira
Niyawa ni Jehova nga uffun ta nittam i “ngamin nga wawwagi [tam] ta angngurug.” (1Pe 5:9) Maduffunadda ittam nu marigatan ittam ta ministerio. Angngarigan na, naduffunan ni Akila anni Priscila, Silas, Timoteo, anna karuan paga si apostol Pablo.—King 18:1-5.
Kunnasi naka maduffunan na wawwaragi ira ta ministerio? Awayya na tu mangiyawa ira tu praktikal ira nga suhestion nu kunnasi arubangan i pangokkontra, nu kunnasi i massinoli, onu nu kunnasi i mangigafu anna mangikondukta tu Bible study. Nonopammu nu sinni ta kongregasion nu i makaduffun nikaw tapenu mappaduffukka nisa. Siguradu nga mammakapia anna magayayya kamu dua.—Fil 1:25.
GIRAWAN I VIDEO NGA MAGAYAYYA TA PANGNGUA TU DISIPULOS—ALAWATAN I UFFUN NI JEHOVA—KAPANGNGURUG TAM, KABALIN NA, TABBAGAN I TUMUNUG IRA NGA PAKKIAVU:
Kunnasi nga pinagaram ni Neeta si Jade tapenu magatende ta study?
Ngatta mangivulu ittam nakuan tu karuan nga wawwaragi ta pab-Bible study tam?
Madduruffun i interu nga kongregasion nga magangngua tu tadday nga disipulo
Anni i nakkaparehuan ni Jade anni Abigay?
Anni i awayya na ira nga metuddu nikaw na wawwaragi ira ta ministerio?