Abụ Ọma

9 M ga-eji obi m dum too gị, Jehova;+

M ga-akọsa ọrụ gị niile dị ebube.+

 2 M ga-aṅụrị ọṅụ, nweekwa obi ụtọ n’ime gị,+

M ga-abụku aha gị abụ olu ụtọ, gị Onye Kasị Elu.+

 3 Mgbe ndị iro m laghachiri azụ,+

Ha ga-ada ma laa n’iyi n’ihu gị.+

 4 N’ihi na i mewo ka m nweta ikpe ziri ezi na ihe ruuru m;+

Ị nọdụwo n’ocheeze na-ekpe ikpe n’ezi omume.+

 5 Ị baworo mba dị iche iche mba,+ i bibiwo onye ajọ omume.+

I hichapụwo aha ha ruo mgbe ebighị ebi, ọbụna ruo mgbe niile ebighị ebi.+

 6 Gị onye iro, e bibiwo gị ruo mgbe ebighị ebi,+

Bibiekwa obodo ndị i fopụworo.+

A gakwaghị akpọtụ ha aha.+

 7 Ma Jehova ga-anọdụ n’ocheeze ya ruo mgbe ebighị ebi,+

Mee ka ocheeze ya guzosie ike maka ikpe.+

 8 Ya onwe ya ga-ekpekwa elu ala ikpe n’ezi omume;+

Ọ ga-ekpe mba dị iche iche ikpe ziri ezi.+

 9 Jehova ga-abụrụ onye ọ bụla e gburu mmụọ ya ebe dị elu e wusiri ike,+

Ebe dị elu e wusiri ike n’oge ahụhụ.+

10 Ndị maara aha gị ga-atụkwasị gị obi,+

N’ihi na gị onwe gị, Jehova, agaghị ahapụ ndị na-achọ gị.+

11 Bụkuonụ Jehova, bụ́ onye bi na Zayọn,+ abụ olu ụtọ;

Kọsaanụ ọrụ ya n’etiti ndị dị iche iche.+

12 N’ihi na, mgbe ọ na-achọ ndị na-awụfu ọbara,+ ọ ga-echeta ndị nọ n’ahụhụ;+

Ọ dịghị ihe ga-eme ka o chefuo mkpu ákwá nke ndị nọ n’ahụhụ.+

13 Jehova, biko, meere m amara; hụ ahụ́ ndị kpọrọ m asị na-emekpa m,+

Gị onye si n’ọnụ ụzọ ámá nke ọnwụ kulite m.+

14 Ka m wee kọọ akụkọ ihe niile kwesịrị otuto ị na-eme+

N’ọnụ ụzọ ámá+ nke ada bụ́ Zayọn,+

Ka m wee ṅụrịa ọṅụ ná nzọpụta gị.+

15 Mba dị iche iche adabawo n’olulu ha gwuru;+

Ụgbụ ha+ ji sie ọnyà ejidewo ha n’ụkwụ.+

16 A marawo Jehova site n’ikpe o kpere.+

Ihe onye ajọ omume ji aka ya na-eme emewo ka ọnyà ma ya.+

Higeyọn. Sila.

17 Ndị ajọ omume+ ga-aga na Shiol,+

Ọbụna mba niile ndị na-echefu Chineke.+

18 N’ihi na ọ bụghị mgbe niile ka a ga-echefu ogbenye,+

Ọ dịghịkwa mgbe olileanya ndị dị umeala n’obi ga-ala n’iyi.+

19 Jehova, biko, bilie! Ekwela ka mmadụ efu ka gị ike.+

Ka e kpee mba dị iche iche ikpe n’ihu gị.+

20 Jehova, mee ka egwu jide ha,+

Ka mba dị iche iche wee mara na ha bụ mmadụ efu.+ Sila.