16 “N’ihi na Chineke hụrụ ụwa n’anya nke ukwuu nke na o nyere Ọkpara ọ mụrụ naanị ya,+ ka a ghara ibibi onye ọ bụla nwere okwukwe na ya, kama ka o nwee ndụ ebighị ebi.+

32 Ebe ọ bụ na ọ zọghịdị Ọkpara ya, kama o nyefere ya maka anyị niile,+ ọ̀ bụ na ya na Ọkpara ya agaghịkwa eji obiọma nye anyị ihe niile ọzọ?

13 Ka ọ dị ugbu a, anyị na-eche ka ihe na-eme obi ụtọ anyị na-atụ anya ya mezuo,+ na-echekwa mgbe Chineke ukwu na Onye Nzọpụta anyị, bụ́ Jizọs Kraịst, ga-eme ka ebube ha pụta ìhè. 14 Kraịst nyere ndụ ya n’ihi anyị+ ka ọ tọhapụ anyị*+ ka anyị ghara ịna-eme ụdị ihe ọ bụla bụ́ imebi iwu nakwa ka ọ sachaara onwe ya ndị pụrụ iche bụ́ ndị nke ya, ndị ji ịnụ ọkụ n’obi na-arụ ọrụ dị mma.+

7 Ma ọ bụrụ na anyị na-eje ije n’ìhè* otú yanwa nọ n’ìhè, anyị na ibe anyị dị n’otu, ọbara Jizọs bụ́ Ọkpara ya na-asachapụkwa anyị mmehie niile.+

16 Anyị si otú a mata ihe bụ́ ịhụnanya, n’ihi na onye ahụ nyere ndụ* ya n’ihi anyị,+ anyị kwesịkwara inye ndụ* anyị n’ihi ụmụnna anyị.+