Abụ Ọma
Abụ Mgbago. Abụ Solomọn.
Ọ bụrụ na Jehova echeghị obodo,+
Ọ bụ n’efu ka onye nche na-amụ anya.
2 Ọ bụ n’efu ka unu na-ebili n’isi ụtụtụ.
Ọ bụ n’efu ka unu na-amụ anya abalị.
Ọ bụkwa n’efu ka unu na-arụgbu onwe unu n’ọrụ ka unu nweta ihe unu ga-eri,
Ebe ọ bụ na ọ na-egboro ndị ọ hụrụ n’anya mkpa ha, na-emekwa ka ha hie ụra nke ọma.+
3 Lee, ụmụ* bụ onyinye si n’aka Jehova.+
Mkpụrụ nke afọ bụ ụgwọ ọrụ Chineke na-akwụ.+