Kemgbe ụwa, Jehova na-echetara ndị na-efe ya ihe. Ọ na-eji ihe ndị ọ na-echetara anyị agwa anyị ihe anyị ga-eme. Olee ihe ụfọdụ ọ na-echetara anyị? Isiokwu nke mbụ kwuru ihe mere anyị ji kwesị ịtụkwasị ihe Chineke na-echetara anyị obi. Isiokwu nke abụọ kwuru ihe atọ ga-enyere anyị aka ịtụkwasị ihe Jehova na-echetara anyị obi anyị niile.

▪ Ị̀ Gbanweela?

▪ Na-eme Mkpebi Ziri Ezi

Anyị niile nwere otú anyị si eji ejiji, ụdị nri anyị na-eri, na ụdị àgwà anyị na-akpa. Ihe na-akpatakarị ya bụ otú e si zụọ anyị, ebe anyị bi, na ndị anyị na ha na-akpa. Olee otú anyị ga-esi na-eme mkpebi otú Chineke chọrọ? Gịnị ga-enyere anyị aka ime ihe anyị kpebiri? Isiokwu abụọ a ga-enyere anyị aka ịmata ma ànyị kwesịrị ịgbanwe otú anyị si eche echiche na otú anyị si eme mkpebi.

▪ Ịsụ Ụzọ Na-eme Ka Anyị na Chineke Dịkwuo ná Mma

N’isiokwu a, anyị ga-atụle ụzọ asatọ ịsụ ụzọ ga-esi mee ka anyị na Jehova dịkwuo ná mma. Ọ bụrụ na ị bụ ọsụ ụzọ, gịnị ga-enyere gị aka ịnọsi ike n’ozi gị n’agbanyeghị ihe isi ike? Ọ bụrụ na ị chọrọ ịbụ ọsụ ụzọ, chọọkwa ka Jehova na-agọzi gị otú o si agọzi ndị ọsụ ụzọ, gịnị ka i kwesịrị ime?

**ISIOKWU NDỊ ỌZỌ DỊ N’ỤLỌ NCHE A**

3 Otú Ihe Abụọ Dị Iche Nwere Ike Isi Baara Gị Uru

32 Ajụjụ Ndị Na-agụ Akwụkwọ Anyị Na-ajụ

IHE E SERE N’IHU ỤLỌ NCHE A: N’otu ebe a na-akpọ Amazonas, dị na Peruu, ụmụnna na-ezi ndị mmadụ ozi ọma n’ebe dị iche iche mgbe ha na-anọghị n’ozi

PERUU

MMADỤ OLE BI NA YA

29,734,000

NDỊ NKWUSA OLE NỌ NA YA

117,245

MMADỤ OLE E MERE BAPTIZIM KEMGBE AFỌ ISE

28,824

Na Peruu, a na-asụgharị akwụkwọ anyị n’asụsụ isii. E nwere ndị ọsụ ụzọ pụrụ iche na ndị ozi ala ọzọ na-ezi ndị mmadụ ozi ọma n’asụsụ ndị ọzọ na-abụghị Spanish. Ha karịrị otu narị na iri abụọ