Ihe A Ga-ekwu Banyere Magazin Ndị Ahụ

Ụlọ Nche Nov. 15

“Ụfọdụ ndị anọwo na-eche ma chọọchị na ụlọ nsọ hà dị anyị mkpa iji fee Chineke ofufe. Gịnị ka i chere? [Nye ohere maka nzaghachi.] Rịba ama ihe Bible na-ekwu banyere okwu a. [Gụọ Ọrụ 17:24.] Gịnịzi bụ nzube nke inwe ebe ndị a na-anọ efe ofufe? Magazin a na-enye azịza sitere n’Akwụkwọ Nsọ maka ajụjụ ahụ.”

Ụlọ Nche Dec. 1

“N’ụbọchị ndị a, ọ na-esiri ihe fọrọ nke nta ka ọ bụrụ mmadụ nile ike inweta ihe na-ezuru ha. Otú ahụ ka ọ na-esikwara chọọchị dị iche iche ike, ha anọgidewokwa na-arịọ arịrịọ ego. Nke ahụ ọ̀ na-enye gị nsogbu n’obi? [Nye ohere maka nzaghachi. Mgbe ahụ, gụọ 1 Ndị Tesalonaịka 2:9.] Ụlọ Nche tụlere ihe Bible na-ekwu banyere nke a.”

Teta! Dec. 8

“N’ihi iyi egwu nke ndị na-eyi ọha egwu, ọtụtụ na-eche ma ịba ụgbọelu ọ̀ ka bụ ihe na-adịghị ize ndụ. Nke a ọ̀ na-echegbu gị? [Nye ohere maka nzaghachi.] Bible gosiri na ọ dịghị onye ajọ ihe na-apụghị ịdabara. [Gụọ Eklisiastis 9:11.] Otú ọ dị, Mbipụta Teta! a na-atụle otú ị pụrụ isi nwekwuo nchebe na ntụsara ahụ́ mgbe ị bara ụgbọelu.”