Ịma Ọkwa

◼ Akwụkwọ a ga-enyefe n’October: Magazin Ụlọ Nche na Teta! Ọ bụrụ na ndị nwe ụlọ gosiri mmasị, nye ha traktị bụ́ Ị̀ Chọrọ Ịma nke Bụ́ Eziokwu?, gị na ha tụleekwa ya. Ma, ọ bụrụ na ndị nwe ụlọ nwere traktị ahụ, ndị nkwusa kwesịrị ịgbalịsi ike malitere ha ọmụmụ Baịbụl. November: Gịnị n’Ezie Ka Bible Na-akụzi? Ọ bụrụ na ndị nwe ụlọ nwere akwụkwọ a, ndị nkwusa nwere ike inye ha akwụkwọ ọ bụla merela ochie e nwere n’ọgbakọ. Ma ọ bụkwanụ, nyefee ha Fee Onye Nanị Ya Bụ Ezi Chineke ahụ Ofufe. December: Nwoke Kasị Ukwuu nke Dịworo Ndụ. Ọ bụrụ na ndị nwe ụlọ nwere ụmụaka, nye ha akwụkwọ Mụta Ihe Site n’Aka Onye Ozizi Ukwu Ahụ. January: Gịnị n’Ezie Ka Bible Na-akụzi? Ọ bụrụ na ndị nwe ụlọ nwere akwụkwọ a, ndị nkwusa nwere ike inye ha akwụkwọ ọ bụla merela ochie e nwere n’ọgbakọ. Ma ọ bụkwanụ, nyefee ha Fee Onye Nanị Ya Bụ Ezi Chineke ahụ Ofufe.

◼ A gaghịzi na-ezite Usoro Ihe Omume Ụlọ Akwụkwọ Ije Ozi Ọchịchị Chineke otú ahụ a na-ezitekọta ya na Ozi Alaeze Anyị kwa afọ. Kama, a ga na-ezitere ọgbakọ ọ bụla akwụkwọ usoro ihe omume ahụ mkpụrụ abụọ kwa afọ, otu ga-adị na bọọdụ ịma ọkwa dị n’Ụlọ Nzukọ Alaeze. Onye nlekọta ụlọ akwụkwọ ga-ejidezi nke ọzọ maka iji ya na-ekenye ụmụnna ihe omume. Ndị nkwusa ka ga na-enweta Ozi Alaeze Anyị kwa ọnwa, usoro ihe omume Ọmụmụ Baịbụl Ọgbakọ, Ụlọ Akwụkwọ Ije Ozi Ọchịchị Chineke nakwa Nzukọ Ije Ozi nke izu ọ bụla ga na-adịkwa na ya.

◼ A ga-amalite ịmụ akwụkwọ ‘Bịa Bụrụ Onye Na-eso Ụzọ M’ n’Ọmụmụ Baịbụl Ọgbakọ n’izu na-amalite na March 1, 2010. Ọgbakọ ndị ga-achọ inweta akwụkwọ a kwesịrị ịtụ ọda ya n’ọda ọzọ ha ga-atụ.