Ntụleghachi nke Ihe Ndị A Mụrụ n’Ụlọ Akwụkwọ Ije Ozi Ọchịchị Chineke

A ga-aza ajụjụ ndị e dere ebe a n’Ụlọ Akwụkwọ Ije Ozi Ọchịchị Chineke n’izu na-amalite n’Ọktoba 25, 2010. Onye nlekọta ụlọ akwụkwọ ga-eduzi ntụleghachi a, bụ́ nke ga-ewe nkeji iri abụọ. Ihe ndị a ga-atụle ga-abụ ihe ndị a mụrụ n’izu Septemba 6 ruo Ọktoba 25, 2010.

1. Gịnị ka anyị kwesịrị ịmụta ná mgbalị Jehoash na-emeghị iti akụ́ ndị ahụ n’ala ihe karịrị ugboro atọ? (2 Eze 13:14-19) [w05 8/1 p. 11, para. 11]

2. Ọ bụrụ na anyị echebara ndụ Eze Azaraya (ya bụ Ọzaya) echiche, gịnị ka anyị ga-amụta? (2 Eze 15:1-6) [w91 7/15 p. 29-30]

3. Hezekaya ò sooro Ijipt jikọọ aka? (2 Eze 18:19-21, 25) [w05 8/1 p. 11, para. 5]

4. Gịnị mere e ji sị na Jehova ‘na-echepụta’ nzube ya? (2 Eze 19:25) [w99 8/15 p. 14, para. 3]

5. Olee ụdị obi ike ihe e dere ná 2 Ndị Eze 24:3, 4 na-eme ka anyị nwee? [w05 8/1 p. 12, para. 1]

6. Gịnị mere 1 Samuel 16:10, 11 ji kwuo na Devid bụ nwa nwoke nke asatọ Jesi mụrụ, ebe Ezra kwuru na ọ bụ nwa nwoke nke asaa? (1 Ihe 2:15) [w02 9/15 p. 31]

7. Olee otú anyị ga-esi eme ihe ahụ ndị Gilied oge ochie mere? (1 Ihe 5:10, 18-22) [w05 10/1 p. 9, para. 7]

8. Gịnị ka anyị na-amụta n’aka ndị Livaị na-eche nche n’ọnụ ụzọ ámá? (1 Ihe 9:26, 27) [w05 10/1 p. 9, para. 8]

9. Olee otú ịbụ abụ dịruru ná mkpa n’Izrel oge ochie? (1 Ihe 9:33) [w94 5/1 p. 10, para. 8; p. 12, para. 13]

10. Gịnị dị njọ n’ihe ahụ Devid mere e dekọrọ na 1 Ihe E Mere 13:11? [w05 10/1 p. 11]