Ndị Na-agba Ịnyịnya Anọ Ahụ

Ebe Jizọs ji ụta n’aka na-agba ịnyịnya ọcha; onye na-agba ịnyịnya na-acha uhie uhie, onye na-agba ịnyịnya ojii, na onye na-agba ịnyịnya nke ahụ́ ya chanwụrụ achanwụ sochikwara ya

Jizọs gara “na-emeri.” O busoro Setan na ndị mmụọ ọjọọ ya agha ma chụda ha n’ụwa. Jizọs nọgidekwara na-enwe mmeri n’inyere ndị ohu ya aka ma na-echebe ha n’oge ikpeazụ a. Mgbe ọ ‘ga-enwezu mmeri ya’ bụ n’Amagedọn, mgbe ọ ga-eme ka ndị ịnyịnya atọ ndị ọzọ kwụsị ịgba, meekwa ka ụmụ mmadụ nwere onwe ha n’ahụhụ ndị ịnyịnya ahụ kpataara ha.