Otú Ị Ga-esi Eme Ka Gị na Di Gị ma Ọ Bụ Nwunye Gị Dịkwuo ná Mma

Ebreham na Sera bụ di na nwunye e kwesịrị iṅomi. Ha hụrụ ibe ha n’anya ma na-akwanyere ibe ha ùgwù. (Jen. 12:​11-13; 1 Pita 3:6) Ma, alụmdi na nwunye ha ezughị okè. E nwekwara oge ndị ọnwụnwa bịaara ha. Gịnị ka ndị di na nwunye nwere ike ịmụta n’aka Ebreham na Sera?

Unu kwesịrị ịna-ekwurịta okwu. Ọ bụrụ na di gị ma ọ bụ nwunye gị ejiri iwe kwuo okwu, meda obi zaghachi ya. (Jen. 16:​5, 6) Hazienụ oge unu ga-eji na-anọrị. Jiri okwu ọnụ na omume gị mee ka obi sie di gị ma ọ bụ nwunye gị ike na ị hụrụ ya n’anya. Ihe kacha mkpa unu ga-eme bụ ime ka unu na Jehova dịrị ná mma. Ihe ga-enyere unu aka bụ ịmụ ihe, ikpe ekpere na ime ofufe ezinụlọ. (Ekli. 4:12) Alụmdi na nwunye siri ike na-ewetara Jehova, bụ́ Onye hiwere alụmdi na nwunye, otuto.

LEENỤ VIDIO BỤ́ OTÚ Ị GA-ESI EME KA GỊ NA DI GỊ MA Ọ BỤ NWUNYE GỊ DỊKWUO NÁ MMA, ZAAKWANỤ AJỤJỤ NDỊ A:

• Na vidio ahụ, olee ihe ụfọdụ gosiri na Shaan na Kiara adịchaghịzi ná mma?

• Gịnị mere di na nwunye kwesịrị iji na-agwa ibe ha otú obi dị ha?

• Olee otú akụkọ Ebreham na Sera si nyere Shaan na Kiara aka?

• Gịnị ka Shaan na Kiara mere iji maliteghachi ịdị ná mma?

• Gịnị mere di na nwunye ekwesịghị iche na ihe niile ga-agacha nke ọma n’alụmdi na nwunye ha?