N’ụwa A Nsogbu Juru, Olee Ihe Ndị Ga-enyere Gị Aka?
Ọ̀ na-adị gị ugbu a ka nsogbu ndị juru n’ụwa ọ̀ kpawala gị aka ọjọọ karịa otú o metụrụla? N’ime nsogbu ndị a, olee nke na-eme n’ebe i bi?
agha
ọrịa na-efe efe
ọdachi ndị na-emere onwe ha
ịda ogbenye
ịkpọasị
tigbuo zọgbuo
Ọ na-abụ ọdachi dakwasị ọtụtụ ndị, ha achịrị obi n’aka. Ha na-echekwa na ụwa ha agwụla. Obi na-amapụ ụfọdụ ndị ma ihe ọjọọ mee ha. Ma, nsogbu mmadụ na-akadị njọ ma ọ bụrụ na mgbe ọ bụla ihe ọjọọ mere, ike ụwa na-agwụkarị onye ahụ, obi ana-amapụkarịkwa ya.
Ọ bụrụ na ihe ọjọọ emee, i kwesịrị ime ihe ozugbo ka i chebe ndị ị hụrụ n’anya na ihe i ji akpa afọ gị. I kwesịkwara ịna-eme ihe ndị ga-eme ka ahụ́ sie gị ike nakwa ka ị na-enwe obi ụtọ.
Gịnị ka i nwere ike ime ugbu a ka nsogbu ndị juru n’ụwa ghara ịna-akpakarị gị aka ọjọọ?