Ihe A Na-aga Ịkọ ná Nkebi nke 11

Malite ná nkebi a gawa, ihe ndị a ga-akọrọ anyị bụ ihe ndị dị n’Akwụkwọ Nsọ Grik nke Ndị Kraịst. A mụrụ Jizọs n’ezinụlọ ndị ogbenye, ndị bi n’otu obere obodo. Nna ya bụ ọkwá nkà, o sokwa ya rụọ ọrụ a. Ọ bụ Jizọs ga-azọpụta ndị mmadụ. Jehova ahọrọla ya ka ọ bụrụ Eze Alaeze eluigwe. Ọ bụrụ na ị bụ nne ma ọ bụ nna, nyere nwa gị aka ka ọ ghọta ihe mere Jehova ji họrọ ezinụlọ ahụ a mụrụ Jizọs na ya, ka ọ bụrụkwa ebe ọ ga-anọ too. Nyere ya aka ka ọ ghọta otú Jehova si chebe Jizọs ka Herọd ghara igbu ya nakwa otú o si bụrụ na e nweghị ihe ga-eme ka Jehova ghara imezu uche ya. Gị na ya mụọ otú Jehova si jiri Jọn kwadebere Jizọs ụzọ. Meekwa ka ọ ghọta ihe Jizọs mere malite mgbe ọ dị obere iji gosi na o jighị amamihe Jehova egwu egwu.