Leta Si n’Alaka

Ezigbo Ndị Nkwusa Alaeze:

“Chineke nọgidere na-eme ka ọ na-eto.” (1 Kọr. 3:6) Lee ka o siworo bụrụ ihe na-akpali akpali ịhụ uto n’ubi Nigeria! N’afọ ije ozi 2003, a malitere ihe karịrị ọmụmụ Bible 90,000. Nke a kwesịrị ịja mma.

Jehova na-agọzi ọrụ a na-arụ n’usoro owuwu nke Ụlọ Nzukọ Alaeze. Ugbu a, e nwere ìgwè 29 na-ewu Ụlọ Nzukọ Alaeze na Nigeria. N’afọ ije ozi 2003, anyị anọwo na-ewucha otu Ụlọ Nzukọ Alaeze kwa ụbọchị ọrụ ọ bụla. Ọnụ ọgụgụ ọgbakọ ka ukwuu nweziri Ụlọ Nzukọ Alaeze dị mma maka ife Chineke anyị, bụ́ Jehova, ofufe.

Iji na-ebipụta akwụkwọ maka ọnụ ọgụgụ na-amụba amụba nke ndị na-agụ akwụkwọ anyị n’ụwa nile, e wusawala Ebe Obibi Akwụkwọ dị na Watchtower Farms, nke dị nso na Wallkill, New York. A na-enwe nnọọ ọganihu n’iwunyekwu ohere dị hekta 1.4 na ya. Nke a hà ka Ụlọ Nzukọ Alaeze 30 ndị hà otú kwesịrịnụ! E mewo atụmatụ ibute ígwè obibi akwụkwọ abụọ buru oké ibu bụ́ ndị kasị bụrụ ọgbara ọhụrụ ná mmalite afọ 2004. Nke ọ bụla n’ime ígwè obibi akwụkwọ ndị ahụ ga-enwe ike ịdị na-ebipụta ihe ruru magazin 25 n’otu sekọnd. A ga-arụnyekwa ígwè ọrụ ndị ọhụrụ e ji adụkọta akwụkwọ na ndị e ji ahụ maka ibupụ akwụkwọ n’afọ 2004. Nke a ga-eme ka e jiri ọnụ ọgụgụ ndị ọrụ ka nta na-arụpụta ihe dị ukwuu karị.

Ka anyị na-amalite afọ ije ozi 2004, anyị na-esonyere unu n’ikpe ekpere ka Jehova ‘nọgide na-eme ka ọ na-eto.’

Ụmụnna unu,

Alaka Ụlọ Ọrụ Nigeria