Ihe A Ga-ekwu Banyere Magazin Ndị Ahụ

Ụlọ Nche July 15

“Ọ bụrụ na a kọrọ ihe dị ka nke a [ihe e sere n’ihu magazin ahụ] n’akụkọ ụwa n’ụbọchị ndị a, ma eleghị anya, ihe ka ọtụtụ n’ụmụ mmadụ agaghị ekweta na o mere eme. Gịnị ka i chere? [Nye ohere maka nzaghachi. Mgbe ahụ, gụọ Mak 4:39.] Olee ihe àmà e nwere iji gosi na ọrụ ebube ndị ahụ Jizọs rụrụ mere eme? Mbipụta Ụlọ Nche a na-aza ajụjụ a.”

Ụlọ Nche Aug. 1

“Ebe ọ bụ na ihe a kpọrọ mmadụ kewasịrị nnọọ ekewasị, ụfọdụ na-eche na nanị ihe ga-eweta udo ụwa bụ inwe otu ọchịchị nke ga-achị ụwa. Ì chere na ihe dị otú ahụ ga-ekwe omume? [Nye ohere maka nzaghachi. Mgbe ahụ, gụọ Daniel 2:44.] Magazin a na-atụle ihe Alaeze Chineke na-arụzu ugbu a, na otú ọ ga-esi weta udo ụwa n’isi nso.”

Teta! Aug. 8

“N’ụwa nke oge a, ndị omekome na-echepụta mgbe nile, ụzọ ndị ọhụrụ ha ga-esi na-egwu ndị na-amaghị banyere atụmatụ ha wayo. Nke a ọ̀ gbasara gị? [Nye ohere maka nzaghachi.] Mbipụta Teta! a na-atụle ihe ịdọ aka ná ntị ole na ole ndị bụ́ isi, bụ́ ndị pụrụ inyere anyị aka iji chebe onwe anyị pụọ n’ịbụ ndị e gwuru wayo.” Gụọ Ilu 22:3.

“Ọ na-ewe anyị nile iwe mgbe anyị na-anụ banyere mmegbu a na-emegbu ụmụaka. Ikekwe, i chewo, sị, ‘Chineke ọ̀ na-eche banyere ha n’ezie?’ [Nye ohere maka nzaghachi. Mgbe ahụ, gụọ Abụ Ọma 72:12-14.] Isiokwu a na-akọ otú Chineke na-esi eche banyere ụmụaka, na otú ọ ga-esi mee ka ndị nile a na-emegbu nwere onwe ha kpam kpam n’isi nso.”