Ihe A Ga-ekwu Banyere Magazin Ndị Ahụ

Ụlọ Nche July 15

“Ọtụtụ ndị achọpụtawo na ọ bụ ihe a na-ahụkarị bụ́ ndị mmadụ ịnọrọ onwe ha. Ì chere na nke a bụ ihe amamihe dị na ya? [Nye ohere maka nzaghachi.] Rịba ama okwu a amamihe dị na ya e kwuru banyere uru mkpakọrịta bara. [Gụọ Eklisiastis 4:9, 10.] Magazin a na-atụle ihe mere ndị ọzọ ji dị anyị nile mkpa na otú a pụrụ isi dozie nsogbu nke mmadụ ịnọrọ onwe ya.”

Ụlọ Nche Aug. 1

“Ị̀ maara na dị ka otu akụkọ si kwuo, ihe karịrị ọkara nke ndị bi n’ụwa anaghị akpataru ₦250 kwa ụbọchị? Ì chere na ọ dị ihe ọ bụla a pụrụ ime iji gwọta nsogbu a? [Nye ohere maka nzaghachi.] Mbipụta Ụlọ Nche a na-ekwu otú a ga-esi gwọta nsogbu nke ịda ogbenye n’ụzọ na-adịgide adịgide dị ka Bible si kwuo ya.”—Gụọ Abụ Ọma 72:12, 13, 16.

Teta! Aug. 8

“Ọtụtụ mmadụ na-enwe nchegbu banyere njupụta ihe ndị na-akpali agụụ mmekọahụ jupụtara ebe nile. Ì chere na nke a bụ ihe mmadụ kwesịrị ichegburu onwe ya? [Nye ohere maka nzaghachi.] Ndụmọdụ bara uru a na-achọta n’ime Bible pụrụ ichebe anyị. [Gụọ Ndị Efesọs 5:3, 4.] Magazin a na-egosi otú anyị pụrụ isi chebe onwe anyị pụọ n’ihe ize ndụ a na-apụtachaghị ìhè.”

“N’afọ ndị na-adịbeghị anya, ọdachi ndị ọnọdụ ihu igwe kpatara ebibiwo ọtụtụ ihe n’ụwa nile. Gịnị ka i chere a pụrụ ime iji belata nhụjuanya nke a na-akpata? [Nye ohere maka nzaghachi.] Magazin a na-atụle nsogbu a na-enwe n’ihi mgbanwe ọnọdụ ihu igwe nakwa ihe ngwọta ya bụ́ nke e kwuru n’ime Bible.”—Gụọ Aịsaịa 35:1.